Video
Read full review
2021-08-15
215 views
假日去大尾督走走，發掘吓新美食！喺大尾督巴士總站對面嘅大美督村公所有個指示牌，望向右邊斜路就發現咗呢間餐廳。 餐廳喺大尾督村入面，原來係今年七月新開張嘅，家庭式經營，所以感覺幾warm～爸爸店主係酒店五星級大廚，唔駛去到酒店咁拘謹就可以品嘗美食，有點期待呀～【蟹肉青瓜沙律】用雀籠裝住，入面係一隻金色邊嘅藍色瓷漆碟，非常精緻。蟹肉鮮甜，青瓜清新，refresh吓口腔令我對接住嚟嘅美食更加期待。餐包有蒜茸多士同埋蔥油薄脆。拎上手係溫熱㗎，蒜蓉多士外脆內軟，蒜蓉亦好入味。蔥油薄脆好脆好香口，但唔會覺得膩。【黑松露野菌忌廉湯】一般餐廳嘅通常只係得味道，最多係有少少黑松露蓉，今次係成片黑松露，難得。 頭盤係【蘇格蘭煙三文魚】【意大利風乾火腿】。蘇格蘭煙三文魚配wasabi cream，wasabi cream緩和咗煙三文魚鹹香，但味道又幾夾～風乾火腿風乾咗36個月，肉質嫩滑帶少少果甜。 配菜有橄欖、無花果、洋蔥同沙律菜，可以同煙三文魚、風乾火腿自由配搭。主菜【智利白鱈魚配日本北海道帶子】智利白鱈魚魚肉雪白鮮美，北海道帶子就煎封至金黃色，令帶子爽甜之中又帶點香口，不過呢道菜最特別係佢配嘅汁係由ap
喺大尾督巴士總站對面嘅大美督村公所有個指示牌，望向右邊斜路就發現咗呢間餐廳。 餐廳喺大尾督村入面，原來係今年七月新開張嘅，家庭式經營，所以感覺幾warm～爸爸店主係酒店五星級大廚，唔駛去到酒店咁拘謹就可以品嘗美食，有點期待呀～
【蟹肉青瓜沙律】
用雀籠裝住，入面係一隻金色邊嘅藍色瓷漆碟，非常精緻。蟹肉鮮甜，青瓜清新，refresh吓口腔令我對接住嚟嘅美食更加期待。
餐包有蒜茸多士同埋蔥油薄脆。拎上手係溫熱㗎，蒜蓉多士外脆內軟，蒜蓉亦好入味。蔥油薄脆好脆好香口，但唔會覺得膩。
【黑松露野菌忌廉湯】
一般餐廳嘅通常只係得味道，最多係有少少黑松露蓉，今次係成片黑松露，難得。
頭盤係【蘇格蘭煙三文魚】【意大利風乾火腿】。蘇格蘭煙三文魚配wasabi cream，wasabi cream緩和咗煙三文魚鹹香，但味道又幾夾～
風乾火腿風乾咗36個月，肉質嫩滑帶少少果甜。 配菜有橄欖、無花果、洋蔥同沙律菜，可以同煙三文魚、風乾火腿自由配搭。
主菜
【智利白鱈魚配日本北海道帶子】智利白鱈魚魚肉雪白鮮美，北海道帶子就煎封至金黃色，令帶子爽甜之中又帶點香口，不過呢道菜最特別係佢配嘅汁係由apple cider調配，海鮮鮮甜+鮮果果甜先係精粹。
【澳洲M6和牛】我哋叫咗五成熟，上枱後見到面頭有啲乾身有啲擔心會唔會太熟，但落刀兩三吓就切開咁厚嘅肉就知無問題。 入口肉質好嫩，肉汁豐富肉味濃郁，係質素非常高嘅牛肉。 醬汁有黃芥末醬同Horseradish辣根可以點，辣根有啲似wasabi味但唔會嗆鼻。
兩道主菜嘅配菜都有食用花點綴，除咗薯仔粒亦有啲比較特別嘅蔬菜例如紫色西蘭花，都係輕微燒過嘅，所以味道較香又不失營養。
整個晚餐都感受到大廚對烹調嘅講究，選料上乘、配搭新鮮。上餐廳嘅IG仲睇到仲有set lunch，下次放假入大尾督再試先得～
Post
