WM Café & Bar (科學園) (Moved) New Location

天使湯麵蕃茄湯配意式炸雞翼天使麵食得多，加湯嘅天使麵就未試過，幾特別。湯麵落左好多蕃茄落去，多到每一啖都食到蕃茄！D蕃茄好甜呀！炸雞翼皮香脆肉嫩juicy。珍寶美式肉醬熱狗配薯條熱狗好大條，好似艦艇。唔怪得叫珍寶啦！肉醬份量好多，覆蓋曬成條腸仔！每一啖都食到肉醬，唔會有d部份冇醬汁。包外脆內軟。薯條粗身，夠熱，外脆內軟，夠乾身唔會太油膩亦唔腍。迷你肉醬意粉配芝士多士意粉軟硬適中，肉醬份量同意粉比例啱啱好。芝士多士睇落好似平平無奇，但面鋪上了芝士，焗過嘅芝士香，多士焗嘅時間控制得啱啱好，好脆口但脆得黎唔會燶，睇落個包重係白白的，唔講都唔知焗過，真係睇佢唔出呀！跟餐可以加$20點調酒師特選(熱飲)。見有熱蝶豆花檸蜜呢個配搭幾特別，好少餐廳有蝶豆花飲，見呢度有得飲就加錢試下。落左好多蝶豆花，超足料！蝶豆花將整杯飲品染成紫色，好夢幻啊～😍蜜糖喺杯底，建議飲之前先行攪勻先飲。因為有蜜糖，飲落甜甜地。