Video
Opening Hours
Today
11:30 - 22:00
Mon - Sun
11:30 - 22:00
Public Holiday
11:30 - 22:00
Above information is for reference only. Please check details with the restaurant.
喺紅磡啟岸巷子2樓，透過露台見到佢開陽得嚟好多燈飾，幾有聖誕氣氛，就上嚟試吓啦。我哋嗌咗兩個dinner set Menu，C 香煎馬利蘭蟹肉餅伴蟹膏忌廉意大利麵$135 呢個相對嚟講性價比幾高，有幾特別。香煎蟹肉餅煎得幾招香，食到入邊蟹肉一絲絲，幾有鮮味。加埋卜滋滋嘅三文魚子，令平淡嘅意粉昇華咗去另一個層次另一個係E柚子海鹽蜜糖法式豬鞍扒$158 份量冇想像中咁大，啱女仔食。豬扒好腍身，有時想鋸扒係個可考慮嘅選擇套餐包柚子沙律同埋餐湯🧉是日餐湯係忌廉羅宋湯，加$10轉龍蝦湯。個湯都有幾多蕃茄蓉，有陣熟悉嘅醬酸味柚子沙律酸甜開胃，好清新。覺得醬汁份量可以少啲，但味道好夾餐飲跟配熱咖啡同凍白桃紅茶即磨咖啡嘅奶好細心咁打熱咗👍🏻暖笠笠飲落肚特別順滑。店員話佢哋每兩至三日就會換茶底，有時白桃，有時蜂蜜綠茶，等客人有多啲新意加配意式炸雞翼（五件）都係$28 好抵食的炸雞翼🤝每隻只係幾蚊，值得加另外試埋是日甜品（ $38 ），巴斯克蛋糕又幾大件喎😋芝士食落都幾誘惑，餅底偏甜聽住歌放鬆一下，過咗個甜蜜嘅晚上
continue reading
去到馬頭圍道附近做野見到有個靚靚特色商場入面一樓有間 WM cafe & bar望望 menu, 以西餐為主仲有午餐下午茶供應餐廳內空間感闊落以綠葉襯托，有種好green 嘅感覺而且仲有下午茶餐供應就入去試下啦下午茶餐有好多選擇👍🏻每個餐都包主菜加飲品而且仲可以加錢配搭餐湯及小食✨忌廉龍蝦湯🦞 （+12）龍蝦味好濃飲落好creamy又唔稀👍🏻白式cream 嘅拉花亦好得意個湯仲真係有龍蝦肉👍🏻👍🏻完全唔係罐頭開出來嘅味道感受到餐廳好有誠意🥳✨唐揚炸魷魚鬚🦑（+28）魷魚鬚擺盤好靚炸得好香口😋炸粉唔多，所以唔會好厚食落魷魚鬚好脆好有咬口魷魚鬚上仲有香草跟鹽調味底層有沙律菜墊底🥬食落好fresh✨香煎雞柳西西里意粉🍝上菜時真係嚇親份量完全唔似下午茶嘅份量🍽️有一大碟有五塊雞柳伴碟🐔🍗雞柳個塊都好moist 好juicy每塊雞柳都有煎過好有燶邊嘅味道🔥意粉上有火箭菜裝飾最有誠意嘅地方係個意粉係即時製作的食落時仲出緊煙🔥🔥而且有好濃蕃茄味🍅意粉內亦有車厘茄配搭食完碟意粉真係飽咗🍝✨凍齋啡要求走甜真係有走到☕️🧊而且仲幾大杯飲完都成肚水雖然呢個係下午茶餐但份量足以拍得上一份set lunch👍🏻餐廳環境乾淨企環枱面坐椅都好乾淨而且餐廳通風冷氣好充足餐廳有陽光照到嘅位置都唔會熱💨💨餐廳侍應態度親切有禮遞上menu 時會簡介有咩推介對客人要求亦好attentive如果想喺鬧市搵一個清靜舒服嘅地方用膳呢間絕對係不二之選👍🏻侍應仲話好快會有新嘅午餐及晚餐menu 🤟🏻遲下都會想返來試下🥳🥳
continue reading
咁啱喺土瓜灣做完嘢去附近搵餐廳食，啟岸嘅依間西餐廳都唔錯！有dinner set，包埋湯、沙律同飲品揀左扇貝明太子意大利麵 $138意大利麵食落非常Creamy，但係一啲都唔heavy，明太子汁咸香適中，配扇貝幾夾。而且扇貝食落新鮮，又唔會好乾身🍽️柚子海鹽法式蜜糖豬胺扒 $158豬胺好大塊，食落好嫩滑，切咗出嚟有少少粉紅色，一啲都唔乾身仲有肉汁。而且個汁甜甜地又幾清新，同個肉味幾夾！另外加咗兩款小食，價錢都相宜！黑松露薯條 $28，薯條新鮮炸出嚟同埋都好大份 ，食落好脆口意式炸雞翼 $28，熱辣辣好香口，仲保持到多汁飲品叫咗西柚蜂蜜綠茶，唔使加錢！清清地又唔會太甜幾好味整體嚟講環境同埋食物都幾好！
continue reading
今日我去咗土瓜灣食西餐，真係好開心！🥳🍽️首先，前菜飲咗“龍蝦湯”和“羅宋湯”，龍蝦湯濃郁滑順，味道超級鮮美，令人一口接一口！🦞🥣 羅宋湯酸酸甜甜，唔錯！仲有沙律，清新可口，為晚餐開個好頭！🥗✨主菜方面，我選咗“香煎蟹肉餅伴蟹膏意大利麵”，蟹肉餅外脆內嫩，搭配蟹膏意大利麵，真係食到好滿足！🦀🍝 而且，烤穀飼安格斯皇后牛扒，肉質嫩滑，搭配紅酒牛肉汁，香味四溢，薯蓉布丁更係滑到無法形容！🥩🍷🥔另外，我哋仲叫咗小食“煎雞翼”和“黑松露薯條”，煎雞翼煎得可口，外脆內嫩，而黑松露薯條就香醇可口，令人食得好過癮！🍗🍟✨今次晚餐真係好滿足，食物好味，環境又靚，期待下次再嚟！食西餐真係一個好選擇，無論係朋友聚會定係慶祝特別日子，都非常適合！🎉❤️
continue reading
二人套餐龍蝦湯．蕃茄湯龍蝦湯鮮味十足，入口順滑，蕃茄湯嘅蕃茄味好濃郁，酸酸甜甜好開胃煙三文魚凱撒沙律煙三文魚片好嫩滑，帶淡淡嘅煙燻香氣，生菜脆清脆，配上烤麵包丁同哈蜜瓜粒，食落層次感十足，口感清新三文魚籽•味噌松葉蟹•蟹肉意大利麵意粉Q彈有嚼勁，醬汁帶濃濃嘅味噌味，夾埋三文魚籽同蟹肉嘅鮮甜，味道好豐富。三文魚籽啲啲爆開嘅感覺，鮮美又有層次香煎日本帶子配檸檬鹽美國烤豬柳日本帶子煎得外脆內嫩，鮮甜突出，豬柳煎得外焦內嫩，肉質juicy，肉香濃郁，而且有足足2大塊，好滿足熱伯爵茶茶香味濃，入口順滑完全唔苦澀。茶味溫和，飲落好舒服熱綠茶綠茶入口清新，唔會澀口，茶味好輕盈，飲落喉嚨舒服又清爽WM自家製蛋糕 藍莓芝士乳酪蛋糕好鬆軟，入口即化，芝士味濃郁但唔會膩，口感滑溜又有層次，食落好香滑綠茶蛋糕綠茶蛋糕濕潤綿密，綠茶香氣好突出，甜度適中唔過甜📌WM Café & Bar (啟岸) (紅磡)地址：紅磡馬頭圍道63號啟岸1樓13號舖#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #關注#hongkong #wmcafebar #土瓜灣 #啟岸 #煙三文魚凱撒沙律 #龍蝦湯 #蟹肉意大利麵 #檸檬鹽美國烤豬柳 #藍莓芝士乳酪蛋糕 #綠茶蛋糕
continue reading
You may be interested in