Itamama (東港城) (Closed)

星期四佛旦一早,要車亞仔去將軍澳. 泊咗車係商場, 第一次到呢個商場, 太早商店未開門, 於是四圍找早餐食. 見到呢間門面乾乾净净的西餐店, 門口餐牌早餐同茶餐廳差不多, 就决定呢間. 店員好有禮貌, 地方裝修幾特别, 有思心.店員 落單快又利落, 食物約十分鐘已送到. 我叫的火腿通粉, 湯底是濃濃雞湯, 加埋香噴噴蒜蓉包, 好好味, 跟餐的熱檸蜜, 好濃檸汁, 少甜, 剛剛好.對食有要求的老公都話好味. 店内雖然坐满一半客, 但没有一般茶餐廳喧鬧. 食物有水準, 早餐值得推介.