龍麵館 (Closed)

晚餐 · 2人中國風嘅餐廳裝潢，帶有些許西式嘅風味，環境幾舒適寬敞。星期日大概夜晚9點左右，所以唔係好多人，可以坐卡位。前菜:茶燻素鵝 ($59)味道幾好，凍凍哋，清淡得黎口感豐富。木魚茄子 ($59)木魚同茄子味道幾夾，好味，係略嫌個汁有少少咸。雞絲粉皮 （$59）味道一般，無咩特別，醬料太多，所以好似不停喺度食醬咁。主菜: 龍蝦湯麵 （$149）龍蝦湯幾濃，麵嘅味道都好好，可惜龍蝦肉偏淡，同埋麵嘅份量比較小，有D美中不足。總括來說，係可以再試嘅餐廳。不過，如果想試多D特別嘅點心就要喺下午5點前黎食，因為有部分點心晚市無供應。