Video
Read full review
2019-02-09
4583 views
同學仔訂左呢度同我慶祝生日兼新春團拜，餐廳安排左個四人卡座俾我地，椅背間隔是封頂的， 所以私隱度好高，大家可以安心又輕鬆咁嘆下茶傾下計。佢地有個點心任食套餐，每位起，有廿六款點心粉麵飯任君選擇，味道都唔錯。而且我地咁啱四個人都冇食早餐，所以可以差不多試暈哂餐牌有嘅點心， 我個人推介九款精選點心俾大家啦：蜜汁义燒、肉厚但腍軟，有好香蜜汁味道。老火例湯（髮菜蓮藕煲豬脷）、新正頭呢個太好意頭了。XO醬炒蘿蔔糕、蘿蔔糕外脆內軟，XO醬夠濃味， 香口又惹味。香芒沙律蝦角、脆卜卜，配個芒果清香味沙律醬，大細路實啱😝。煙三文魚韮菜薄罉、估唔到煙三文魚嘅咸香味會同薄罉咁夾，而且薄罉慢煎至脆口👍。咸水角、炸得漲卜卜皮薄饀多，好味。肉鬆皮蛋豆腐、豆腐好滑，皮蛋濃郁質糯，配埋肉鬆，單吃或配飯都好。陳皮沙鯭粥、粥底都幾綿，有陳皮淡香，魚肉味就偏淡，不過好啱好似我咁唔食粥嘅人。最後呢味豬腳薑係同學至愛，見佢咁油光滿身就知幾有骨膠原啦🤣，啲薑好腍好入味，冇渣，係靚薑，如果多番啲醋汁更好，因為我愛呷醋嘛🤭。另外仲有春卷，蝦餃燒賣咁都好有水準架。餐廳坐得非常舒服，又唔使趕住走， 11：00am至2：30pm，夠哂時間
佢地有個點心任食套餐，每位起，有廿六款點心粉麵飯任君選擇，味道都唔錯。而且我地咁啱四個人都冇食早餐，所以可以差不多試暈哂餐牌有嘅點心， 我個人推介九款精選點心俾大家啦：
蜜汁义燒、肉厚但腍軟，有好香蜜汁味道。
老火例湯（髮菜蓮藕煲豬脷）、新正頭呢個太好意頭了。
XO醬炒蘿蔔糕、蘿蔔糕外脆內軟，XO醬夠濃味， 香口又惹味。
香芒沙律蝦角、脆卜卜，配個芒果清香味沙律醬，大細路實啱😝。
煙三文魚韮菜薄罉、估唔到煙三文魚嘅咸香味會同薄罉咁夾，而且薄罉慢煎至脆口👍。
咸水角、炸得漲卜卜皮薄饀多，好味。
肉鬆皮蛋豆腐、豆腐好滑，皮蛋濃郁質糯，配埋肉鬆，單吃或配飯都好。
陳皮沙鯭粥、粥底都幾綿，有陳皮淡香，魚肉味就偏淡，不過好啱好似我咁唔食粥嘅人。
最後呢味豬腳薑係同學至愛，見佢咁油光滿身就知幾有骨膠原啦🤣，啲薑好腍好入味，冇渣，係靚薑，如果多番啲醋汁更好，因為我愛呷醋嘛🤭。
另外仲有春卷，蝦餃燒賣咁都好有水準架。
餐廳坐得非常舒服，又唔使趕住走， 11：00am至2：30pm，夠哂時間嘆茶傾計食點心，好啱三五知己嚟相聚。
Post
