巴希雅海灣重慶燒烤

Open Now

Now Closed

放假相約一班朋友踩單車，踩去大尾篤，當然就要食埋巴希雅。晚市包一款飲品，每人一隻蝦、一舊菠蘿，仲有每個爐一煲蜆、金菇、香蕉，其他食物都係任食。第一樣食既係羊架，真係好好味，又夠淋，又唔會太羶，絕對要食。大多數肉類都好味，牛扒、雞全翼等等，仲提供埋辣粉、孜然粉，好香口。醬料分面，蜜糖要加六蚊，一小碗蒜蓉要加三蚊，係有少少唔抵，不過咁多人都係夾一兩蚊。蔬菜方面，燒冬菇同燒蕃茄都最juicy，茄子就一般。好開心既當然係有燒香蕉，每邊燒六分鐘，燒到燶晒都唔怕，隻香蕉食落先會淋。拎出去收銀處，仲可以叫店員淋啲朱古力醬上去，成為最尾一道甜品。