魔膳廚房 (Closed)

上次食過魔膳廚房晚市之後覺得不論環境同埋食物質素都幾好，今日一於嚟試下佢新推出既假日午市自助餐成人價錢$88位，另加一，食2小時。小童半價。自助餐包飲品一杯，特式飲品就另加錢。想食芝士焗龍蝦半隻或者係朱古力心太軟就加$38啦...同晚市一樣有個沙律吧，水果就有西瓜喔。多左泡芙丫，正喔，細細粒bite size ，巧味話明自助餐，出面當然有好多熟食拎啦，粉麵飯小食樣樣有...例如黑椒焗豬手，芝士西蘭花。仲有黑松露魚柳，瑞士雞翼，紅酒燴牛肉等等.......食物種類都唔少，仲好啱食潻 有幾款酥皮包: 提子旋渦酥，吉士忌廉酥..仲有朱古力酥，火腿芝士酥...甜品方面包括麵包布甸同法式焦糖燉蛋 餐湯就有兩款，羅宋湯同埋南瓜湯。 一次過拎咗好多嘢食返去，慢慢嘆，好豐富呢飲品叫左凍檸茶，每杯加$3埋單二百蚊，每人都只係一百。可以食足兩個鐘，同朋友靜靜地傾下偈，享受個悠閒嘅下午都唔錯