鷹巢

Open Now

Now Closed

難得放長假緊係同屋企人出去食正嘢啦，今次再次嚟鷹巢，上次嚟過覺得幾好又近屋企，所以今次再嚟試多啲好嘢。今次主要食咗點心，真係有水準㗎！首先係順德煎釀尖椒，尖椒煎完仲好juicy唔會乾晒，襯埋煎釀魚肉食好有口感，十分香口。跟住係酥脆蘿蔔絲腸粉，好有咬口，入面真係脆卜卜，唔會蒸到淋晒，味道都啱啱好，正！燒賣就不嬲知係正野，今次嚟食依然keep到個水準，鮮味彈牙香麻醉蛋散，炸得好靚炸到金黃，入口鬆化，好香最後緊係要嚟個甜品啦，我就叫咗楊枝甘露布甸。呢個幾有驚喜，分量適中，透明器皿裝住，可以見到入面係有層次嘅，好特別。味道小朋友老人家都適合，唔會太甜。總括嚟講都幾滿意，野食有水準，服務唔錯，環境寬敞，一定會再幫襯。