The Night Market (士丹利街) (Closed)

唔想食台灣菜，但最後都係入左間台灣餐廳。招牌菜我揀咗三杯雞，飲品要加$15，我就揀咗荔枝蒟蒻金桔汁。先講食物，三杯雞啲雞肉真係超級鞋，又凍唔夠熱，隻蛋好差囉!都冇流心，但係好似爛爛地咁，啲飯加啲肉碎，如果咁都唔好食，都唔知可以講咩。跟住上面個三碟小食，右邊白色一粒粒係豆，口感好奇怪，硬硬地乾乾地，但佢又唔係豆腐乾咁好食喎？青瓜冇乜味，雲耳又係冇乜味，中間啲綠色豆係可以入口，但係啲菇又係冇味呀! 整體黎講，真係好差囉! 唔好食仲要成$128一個飯，最離譜仲要加$15先有飲品，杯飲品仲係淡茂茂呀，完全都飲唔到有荔枝味。