Oldish (Closed)

星期六下午餐廳九成滿食物選擇唔多，有6款set lunch可以揀，價錢由118到138不等。响觀塘區工廈嚟講都算貴。咖啡除左americano 同 espresso 外都要加錢，另外亦可以點茶或汽水。 除左餐廳外，有衫飾物皮鞋等等出售。唔係咁鍾意呢種環境之下食嘢因為一路食一路有人行响周圍行嚟行去。餐湯普通。似直接blend爛左南瓜加水，無左西湯嗰種creamy。漢堡有五層，火箭菜，蕃茄，照燒雞扒，生菜。漢堡包夠鬆軟，照燒雞扒擺入漢堡包入面都係第一次食，份量都幾大，一個人食唔晒。餐飲凍檸茶，自動少冰少甜食完之後都覺得物有所值。