雲桂香米線專門店

Open Now

Now Closed

門口有自動拎票機，等左不到5分鐘就入座，當時食客都算多，主要做街坊生意。.有食過尖沙咀雲桂香，覺得味道好好，唔會偏酸，但屯門分店就不論小食定係湯底都偏酸。小食點左麻辣雲耳，辣味冇乜，汁都酸味較重，$20黎講以呢個份量算多。麵就點了2款，一碗係小鍋米粉配芥蘭，一碗係小鍋水晶粉配豬紅同通菜。水晶粉軟硬適中，唔會太硬或冧，口感OK。豬紅似係用水煮好就放麵度，所以就係食落就係水煮味 配料有$6、$8同$13三個range既食物揀。.如果愛食酸辣既朋友可以一試，如果唔係既反而去尖沙嘴店較好，因為湯底可選多鹹定淡啲咁... .店內有洗手間，無去所以唔知衞生情況，另有自助裝水區，但見大家都以點飲品為主，跟餐飲品大概另加$6-10左右。