Video
Read full review
2020-12-02
391 views
今晚老豆帶我黎食客家菜，話呢間正宗又就腳喎，老豆發板叫左3樣餸，食飽老豆仲話叫阿媽做冬唔洗煮，黎呢度食都幾好喎！食完認真感到全身暖哂嘅藥膳黃酒炆雞，半隻份量，雞件都幾多下，蔥蒜+藥材同黃酒，有酒香，亦有酒甜，我覺得好好味呀！我地食左未夠一半，老豆同我已經要再叫多碗飯！客家名菜，農家炆燉扣肉。怕肥騰騰？佢又唔係好肥喎，食到中間少少肥肉唔覺油膩，反而食到甘香。底下放左白菜仔吸汁，吸嘅係梅菜汁，扣肉同甜梅菜炆煮完嘅汁，攪到我地又各自ko多一碗飯！金銀蛋浸時蔬，上湯好飲，食到咸蛋香皮蛋香，個菜都新鮮嫩口，唔錯呀！飯後仲問我地要唔要糖水，話今晚可以送我地2碗，木瓜雪耳糖水，so sweet！食完唔口渴，有家鄉風味。唔知店員係咪客家人呢？好客又親切嘅感覺，餐前有中式消毒一個大碗裝好滾嘅水比我地淥一淥d餐具，環境仲幾企理乾淨。
今晚老豆帶我黎食客家菜，話呢間正宗又就腳喎，老豆發板叫左3樣餸，食飽老豆仲話叫阿媽做冬唔洗煮，黎呢度食都幾好喎！
藥膳黃酒炆雞
$168
26 views
0 likes
0 comments
食完認真感到全身暖哂嘅藥膳黃酒炆雞，半隻份量，雞件都幾多下，蔥蒜+藥材同黃酒，有酒香，亦有酒甜，我覺得好好味呀！我地食左未夠一半，老豆同我已經要再叫多碗飯！
農家炆燉扣肉
$108
222 views
0 likes
0 comments
客家名菜，農家炆燉扣肉。怕肥騰騰？佢又唔係好肥喎，食到中間少少肥肉唔覺油膩，反而食到甘香。底下放左白菜仔吸汁，吸嘅係梅菜汁，扣肉同甜梅菜炆煮完嘅汁，攪到我地又各自ko多一碗飯！
金銀蛋浸時蔬
$88
16 views
0 likes
0 comments
金銀蛋浸時蔬，上湯好飲，食到咸蛋香皮蛋香，個菜都新鮮嫩口，唔錯呀！飯後仲問我地要唔要糖水，話今晚可以送我地2碗，木瓜雪耳糖水，so sweet！
食完唔口渴，有家鄉風味。唔知店員係咪客家人呢？好客又親切嘅感覺，餐前有中式消毒一個大碗裝好滾嘅水比我地淥一淥d餐具，環境仲幾企理乾淨。Post
