泗益

Open Now

Now Closed

曾經有朋友問過我，為咗食到美食可以去到幾盡？我答，我呢就唔太鍾意同人迫，亦都唔係好需要人食我食，唔會因為潮流呢走去排隊，但係我會因為一啲真係好好食細心或者獨特嘅食物而去食就好似泗溢，平時起身即刻要趕返工嘅我，有一日早上起身忽然好想食西多士，換好衫化好妝碌落嚟，頂！星期二，休息。灰心嘅感覺係難以言喻嘅。然而星期六日西多士供應時間係有調動，唔係你想食就有得食架。是日公眾假期博一次，很可惜都係無得食。不過我就叫左佢哋嘅沙嗲牛肉公仔麵。厚切嘅沙嗲牛肉，配上質地剛好不太淋不太硬嘅出前一叮，沙嗲牛肉係小時候食的那種，就係好好味嗰隻啦！湯底唔算濃如果濃多少少會更好。雖然呢度嘅奶茶的確10分出色，奶茶味香濃茶味甘香，不過呢幾日有少少唔舒服所以就叫咗麥精，呢一種環境配上一支麥精都係香港地道嘅懷舊享受。如果大家沒有機會食到西多士唔緊要，都可以叫呢一度嘅咖咉多，呢度嘅咖咉自家製，而且落足料。係個唔錯嘅選擇價錢又平啊！