寶蓮禪寺齋堂

Open Now

Now Closed

今天四人行坐昂坪360水晶車看大佛，打算買左飛食齋，賣飛個個女人話平個只$60有機會同人搭檯，而另一只$100就係貴賓廳，而且Ｄ齋靚Ｄ，個翅又好食！行完心經簡林後，我地四人十一點九到達寶蓮寺齋堂先黎翅，味清大碗內有很多菇同竹笙！味道很好呢！西檸素雞：好好食呀！酸酸地好醒胃呀！大冬菇生菜：真係真材實料，唔會呃鬼你！炒雜菜：西芹、荷蘭豆、草菇、雲耳、露荀（唔平咖喎～）、腰果炸春卷：好香口又脆，我一個人食左唔少呢！炸芋藕：蓮藕內夾左好多芋頭，由於男朋友唔鐘意食，只係得我同伯父母食，不過真係好好味～但食得多會好滯！每人一碗白飯，唔夠可以再添茶又是一大壺！