Video
Read full review
2021-02-01
1787 views
唉，120蚊買個教訓，下次去一間餐廳之前一定要上openrice睇食評！！！我將會用三方面解釋點解一定無下次。第一，手法方面，我喺社交平台見到呢間嘢賣廣告，話88蚊午市任食，心冧都幾抵食。去到鋪頭門口，竟然見到寫住要+1服務費，同店員講，店員話要照加一，心冧都唔係差小小錢，就坐低食。湯底來到之後，就發現中伏，自助免費區只有一般蔬菜類食物（睇呢間鋪圖片openrice入面嘅description就知自助區有咩），肉類就淨係有雞翼，魷魚，牛伯葉。當然一般顧客都expect自助應該有肉有菜，邊冧到有自助餐做生意做到咁小家！當然如果要食肉都有得揀，但就要乖乖地交低20蚊，咁我都有比，雖然睇圖就知個餐單就知唔太抵食，但係唔加真係無肉食，無奈都要比佢夾走20蚊。小結一下手法，睇到呢度都知餐廳營商手法有問題，社交平台話唔使加一但係都要加。而自助區無肉變相打劫你20蚊！就算加20蚊，都只係得4款肉，計埋自助區，全店只有7款肉，同一般人對自助餐店期望有一定落差，或者你話我無做research就話人，係我認，但係咁做生意觀感唔好囉。如果比呢個價，我不如去沙角新廣發好過！！！第二食物質素方面，食物質素無驚喜
我將會用三方面解釋點解一定無下次。
第一，手法方面，我喺社交平台見到呢間嘢賣廣告，話88蚊午市任食，心冧都幾抵食。去到鋪頭門口，竟然見到寫住要+1服務費，同店員講，店員話要照加一，心冧都唔係差小小錢，就坐低食。
湯底來到之後，就發現中伏，自助免費區只有一般蔬菜類食物（睇呢間鋪圖片openrice入面嘅description就知自助區有咩），肉類就淨係有雞翼，魷魚，牛伯葉。當然一般顧客都expect自助應該有肉有菜，邊冧到有自助餐做生意做到咁小家！
當然如果要食肉都有得揀，但就要乖乖地交低20蚊，咁我都有比，雖然睇圖就知個餐單就知唔太抵食，但係唔加真係無肉食，無奈都要比佢夾走20蚊。
小結一下手法，睇到呢度都知餐廳營商手法有問題，社交平台話唔使加一但係都要加。而自助區無肉變相打劫你20蚊！就算加20蚊，都只係得4款肉，計埋自助區，全店只有7款肉，同一般人對自助餐店期望有一定落差，或者你話我無做research就話人，係我認，但係咁做生意觀感唔好囉。如果比呢個價，我不如去沙角新廣發好過！！！
第二食物質素方面，食物質素無驚喜，質素平平，響鈴，山根有油益味，豆卜豆味欠奉，加20蚊嘅肉類質素都一般，牛肉同一般街市最平嗰隻無分別，牛味尚有但不算濃郁，腩肉片更加無腩肉味，鵝腸好大陣「押」味。
第三，環境方面，講真店鋪屬於一般自助餐格局，但係檯面，地下，凳都一陣油積，仲癡笠笠添，用來落單嘅筆成枝好似浸過油咁，好癡手。廚房啲師傅周不時嗌交，粗口橫飛，搞到成間鋪氣氛怪異。
有一樣有趣嘅嘢係，間鋪竟然喺google play播電影trailer當自己播緊戲，或者你唔係冧住播戲啦，我都明白你想整啲聲出來，但係都唔好咁啊大佬，我寧願你求其開個電視台仲實際啦！
總結：我寧願鋪頭老老實實咁做生意，食物質素平平都算，因為120蚊真係expect唔到啲咩，一係你就收貴啲，一係比翻顧客一個自助餐店應有嘅合理期望，我相信如果你好食，香港人都唔會孤寒比多幾十蚊。
最後奉勸：顧客唔係水魚，比你水一次就無下次，仲會四圍唱你。
Post
