六小館

之前聽過一直都想試吓，今次去迪士尼staycation，所以係東涌東薈城食晚餐，屋企人比較喜歡食中菜，感覺唔錯，冇乜味精。干窩豬肥腸一上枱已經好香，味道夠麻辣，分量充足，豬肥腸炸得香口，仲有西蘭花、蓮藕及薯片。魚蝦蟹鍋燒豆腐鮮蝦爽口彈牙，而且大大隻，另外有蟹柳及魚肚，豆腐嫩滑，健康可口。黑杞子浸時蔬時菜新鮮，湯清甜美味，好適合喜歡清淡嘅朋友仔。整體而言唔錯，食物健康可口，少數沒有味精嘅餸菜，下次會再試下其他款式。