香港仔周記點心茶餐廳 (Closed)

一般中式酒樓點心食完難免覺得有啲油膩同埋口渴，偶然經過呢間主打零味精嘅點心，一於試下。中午時間去到人都幾多，雖然搭枱都唔會好逼。正所謂飲啖茶食個包，就叫左黃金流心包，黎到都幾大隻，漲卜卜咁，流沙唔算太甜，入面有d粗d嘅粒粒，望真d原來係蛋黃，都幾足料。然後係招牌蝦餃，睇過呢度嘅食評蝦餃原來之前有唔同嘅口味不過去到而家呢就得返最正宗嘅味道，雖然得三粒但好大隻，皮都好好咬，最怕就係嗰啲入口即融嘅蝦餃皮，呢隻感覺對我嚟講就啱啱好嘞。夏天胃口唔太大，又想一個人飲茶，呢度係中上環區都算係唔錯嘅選擇。