將軍麵館

Open Now

Now Closed

之前已經食過呢間麵館一次，佢啲湯底唔係話好濃，冇其他餐廳咁重味精味，所以就算食麵飲埋啲湯都唔驚好唔健康。餐牌上寫住佢嘅麵湯底標榜係用豬骨嚟淆，所以可能會有豬肉嘅油脂。今次就揀咗呢個牛展湯麵。佢嘅湯麵全部都有跟炸醬，京式炸醬係呢間小店嘅特色，係呢間店特製嘅。鍾意食炸醬嘅朋友可以一試。其他配料就有椰菜絲，莞茜。佢啲面有啲似刀削麵，食落係幾煙韌。我本身因為鍾意食煙韌的麵，所以都幾鍾意佢呢種麵嘅質感。至於啲牛展就唔係話特別林或韌，都係一般牛展嘅水準。總括嚟講我覺得40蚊一碗麵喺出面食都差唔多，呢一間就勝在麵嘅質感有咬口，配埋熱辣辣嘅湯底，先稱得上食麵嘅風味。