Poking

Poking 係上環既一間小店，位唔係好多，但都幾多客人，我哋去食左兩款Deluxe 的signature bowl，考慮到夜晚是食得輕盈一點，下單時選了飯拼沙律菜：🌸Salmon The Classic (三文魚，牛油果，青瓜，青蔥，檸檬，芝麻碎，自製醬油) 🌸OCreamy Baby （三文魚，牛油果，雞蛋絲，豆腐，青瓜，蟹籽，木魚絲，脆炸蒜粒，芥末沙律醬）兩個飯既三文魚都好多，蔬菜亦好新鮮，健康得黎好好食。佢既份量好足，就算叫少飯都好飽好夠食。我食左Salmon The Classic，自製醬油好特別，我選配糙米飯黎食，剛好令糙米既粗獷感覺調和左。朋友食OCreamy Baby，鍾意食芥末的話可以一試，佢令較清淡既豆腐、蟹籽既味提升左。如果之後可以自由選擇埋配咩醬，就一定更加好了。叫左個Pumpkin Seeds w Honey 蜜糖南瓜籽做甜品，用嗰款蜜糖非常清香，唔係太甜，愈食愈想要多點蜜糖😂 yogurt 是Greek yogurt，配埋南瓜籽，健康的配搭，一點罪惡感都冇了。食左甘大個飯加甜品都唔覺得膩，佢既食物真係好天然新鮮。要健康飲食，又想好食一定要試試。