Simplylife Bakery Cafe

Open Now

Now Closed

呢間啲麵包好多人買，應該唔錯。假日中午同朋友兩人食午餐，用餐時間只有60分鐘，好幸運朋友前幾日就book 咗，唔係就要等位。呢到menu 有好多選擇，輕食有沙律，奄列，多士，份量大啲嘅有漢堡，poach egg muffin , 意粉，全日早餐等等。所以適合唔同口味嘅客人，都好多人一家大小嚟食。個餐仲包一份沙律或者soup of the day，今日湯係磨菇湯，朋友叫嘅，冇試。我要咗沙津，內裏有一塊橙，青萍果，菜好新鮮。面飽仲有一分牛油送。餐仲包一杯飲品，我要咗Zero coke 。主食都係叫咗沙津，係香草燒雞肉沙津，牛油果，蘆筍，杏仁片，煙肉意大利醋汁。沙津菜好新鮮，啲雞肉係菜下面，都幾嫩，牛油果其實係果醬，我唔食牛油果嘅，覺得幾好，冇清草味。dressing 調得幾好，清新，而唔過甜，份量light lunch 來説好足夠。如果想食多啲，可以選擇其他餐，見其他客人叫漢堡真係好大份嘅。可惜只能坐60分鐘，百幾蚊係沙田新城市廣場食西餐，真係抵。