一家

Open Now

Now Closed

成日覺得筲箕灣冇咩好食，估唔到呢到都幾高質，有好多野食揀，樣樣都好吸引幾想試，有唔算貴！佢地嘅茶唔係普通鐵觀音普洱個啲而係清新甜甜地嘅，幾特別~而有呢幾樣係我幾推介嘅.櫻花蝦麻醬秋葵 $68一上檯已經覺得賣相好靚，滿滿嘅櫻花蝦好香，秋葵分量都多好新鮮，呢3個味道夾埋非常好食，好balance，係好好嘅開胃菜！.炒雞菘配叉子燒餅$128呢個望落都幾特別，又香又脆，將燒餅塞到滿曬都仲有好多淨。分量十足，唔油唔膩嘅雞肉唔會好濟，想試特別野嘅要試下呢個，出面都好少見。.甜美二妹 $36係佢地自家嘅飲品，呢杯係橙柚子蜜糖伯爵茶，仲有爆珠！蜜糖健康過糖漿好多，同橙柚子嘅酸味都好夾，仲有支新鮮迷迭香令杯野嘅fresh感upup。