Video
Read full review
2025-01-08
27 views
近期愛上poke bowl，健康之餘，味道又好，仲有好多唔同combination選擇。呢日去開北角，發現有間主打食poke bowl嘅小店。餐牌除咗有多款poke bowl選擇，poke bowl飯底可以揀壽司飯、沙律菜、蕎麥麵、冷熱/烏冬及冷麵等選擇。同時亦有多款熱食便當，小食，甚至乎乳酪bowl。首先點咗風味蓋飯入面嘅高質雞肉（$78）- 有慢煮雞肉、蟹柳、玉子絲、豆腐、黑白芝麻、紫菜、木魚絲及凱撒沙律醬。食材新鮮美味，點咗冷烏冬做底，呢個配搭非常清新好味。三文魚蟹肉蟹膏茶漬飯（$88）- 三文魚及蟹肉味道好夾，份量都唔少，面頭仲有蟹膏，增添咗層次感及鮮味。茶漬飯味道清香，入口溫暖好味。咕姑固炸雞 - 雞件外皮炸得香脆，入面嘅雞肉汁保持鮮嫩，點埋沙律醬，好惹味嘅小食。野莓果園乳酪（$88）- 最後點咗呢個乳酪bowl兩個人share, 入邊有士多啤梨、藍莓、紅莓、香蕉、亞麻籽及穀物脆片。幾款雜莓入口酸酸甜甜，配埋穀物脆片及亞麻籽，口感非常豐富。所有蓋飯可加$20跟餐包飲品及前菜及味噌湯，飲品亦可加錢upgrade至奶昔。我哋點咗杯signature 牛油果香蕉奶昔（+$28），入
近期愛上poke bowl，健康之餘，味道又好，仲有好多唔同combination選擇。呢日去開北角，發現有間主打食poke bowl嘅小店。
餐牌除咗有多款poke bowl選擇，poke bowl飯底可以揀壽司飯、沙律菜、蕎麥麵、冷熱/烏冬及冷麵等選擇。同時亦有多款熱食便當，小食，甚至乎乳酪bowl。
首先點咗風味蓋飯入面嘅高質雞肉（$78）- 有慢煮雞肉、蟹柳、玉子絲、豆腐、黑白芝麻、紫菜、木魚絲及凱撒沙律醬。食材新鮮美味，點咗冷烏冬做底，呢個配搭非常清新好味。
三文魚蟹肉蟹膏茶漬飯（$88）- 三文魚及蟹肉味道好夾，份量都唔少，面頭仲有蟹膏，增添咗層次感及鮮味。茶漬飯味道清香，入口溫暖好味。
咕姑固炸雞 - 雞件外皮炸得香脆，入面嘅雞肉汁保持鮮嫩，點埋沙律醬，好惹味嘅小食。
野莓果園乳酪（$88）- 最後點咗呢個乳酪bowl兩個人share, 入邊有士多啤梨、藍莓、紅莓、香蕉、亞麻籽及穀物脆片。幾款雜莓入口酸酸甜甜，配埋穀物脆片及亞麻籽，口感非常豐富。
所有蓋飯可加$20跟餐包飲品及前菜及味噌湯，飲品亦可加錢upgrade至奶昔。我哋點咗杯signature 牛油果香蕉奶昔（+$28），入口好creamy，充滿牛油果及香蕉味，夠晒香滑，值得一試。
餐廳食材新鮮好味，種類選擇亦好多，啱晒注重健康嘅朋友。
Post
