源祖之味古早蛋糕店 (Closed)

諗小朋友食咩早餐真係會諗到頭都爆，有時候趕時間番學，有時候又會懶得開爐煮野食！麵包蛋糕呢類型食物就最方便。但係出面買又會驚落咗好多防腐劑，做人媽咪真係好矛盾！星期五收工行過呢間蛋糕店，見到佢標榜選用全天然嘅材料每日新鮮製作，而且絕無添加劑！仔仔聽日早餐有著落喇我買左一個原味一個香芋味，打開個盒實在太香啦 心急地食完晚飯已經切左黎當甜品。切落去嗰下感覺已經好唔同，輕柔得嚟又挺身反彈力都很好，好容易切開！橫切面見到個蛋糕真係好綿密！口感係既鬆軟又水潤，唔會哽喉嚨小朋友一定好鍾意呢種質感！味道方面，原味係超強蛋味香，香芋嘅味都做到好突出，牛油感不重所以唔會有膩口感，我非常滿意蛋糕既甜度，食多左都吾怕（因為真係好好食停吾到口！）仔仔忍吾住係咁encore添！店員推薦食用前可以用微波爐叮十秒，又或者用氣炸鍋/焗爐（180度）焗佢4至5分鐘。我自己就試左後者，外脆內軟即時又另一番感覺！本來呢啲蛋糕嘅設定梗係越早食口感越好。但我放左雪櫃兩日再拎出黎焗熱佢，個蛋糕依然係甘軟綿綿！真係好surprise!價錢方面定位的確略高，但份量其實比我想像中大! 一個蛋糕夠我同仔仔食3次早餐/TEA! 而且質素真係