大麥牛肉麵 (Closed)

招牌紅燒牛肉麵，可以揀個麵底係蕎麥面定普通麵。今次我揀咗普通麵底，張點餐紙仲好貼心，可以揀要唔要辣、蔥同芫荽。個普通麵好彈牙，值得一讚嘅係個湯底，唔似落咗味精，雖然個湯底冇咩牛肉味，反而飲到白蘿蔔嗰陣清甜，一樣咁惹味！配菜方面，感覺呢間舖都係著重健康飲食，牛展有四塊，厚薄適中，唔會太濃味。飲品方面，個桂花薄荷酸梅湯有驚喜！同平時飲開嘅酸梅湯不一樣，呢杯加咗真桂花同薄荷葉，反而嗰種酸甜味唔會太突出，多左種冰涼感，整體balance好好，清新得黎又好解渴！