Video
Read full review
2016-11-24
565 views
燒味，一向都係其中一樣最愛既中式食物，味道款式變化唔多，黎黎去去都係雞叉燒燒肉等等，但偏偏呢種如此簡單既食材有種吸引力。傳統燒味店比人印象係油膩同埋較唔健康，今次係長沙灣意外試到呢間一改油膩型象既燒味鋪，原來燒味都可以食得健康 。跟餐的湯，叫做十全十美住家湯講到咁誇張就試下佢，飲落南瓜味好濃好濃，配料有蘿蔔粒淮山粒等，仲食到桂圓竟然係燒味鋪飲到咁健康既湯囉，飲得出無味精，不過因為無用豬骨豬肉煲，相對會淡味得多。滷水併盤$38：有齊滷水豬腸，豬耳，蛋同豆卜，岩哂有選擇困難症既人，滷汁尚算濃，尤其豆卜吸哂啲汁幾正，不過覺得豬耳唔夠爽口稔身左啲，雞細細隻都唔會太飽。燻蹄 $38：相比起上一個滷水併盤，個人覺得呢個小食會係更好選擇，清涼口感已經令人耳木一新既感覺，重點係食得出好新鮮，肉質唔韌，十幾塊兩人share都好足夠。最掂叉燒併燒鵝飯$55：呢到招牌係叉燒，仲叫自己做最掂叉燒，當然要試下佢囉，食落感覺同平時既叉燒好唔同，一咬就散開，肉質出乎意料咁鬆化，唔需要埋牙肉搏既叉燒而另一特點係一啲都無油膩感，食碗飯都無多滴油，感覺好健康，不過始終於覺得叉燒要有燒燶哂邊先叫叉燒架嘛（好唔健康唔好學我
跟餐的湯，叫做十全十美住家湯講到咁誇張就試下佢，飲落南瓜味好濃好濃，配料有蘿蔔粒淮山粒等，仲食到桂圓竟然係燒味鋪飲到咁健康既湯囉，飲得出無味精，不過因為無用豬骨豬肉煲，相對會淡味得多。
滷水併盤$38：有齊滷水豬腸，豬耳，蛋同豆卜，岩哂有選擇困難症既人，滷汁尚算濃，尤其豆卜吸哂啲汁幾正，不過覺得豬耳唔夠爽口稔身左啲，雞細細隻都唔會太飽。
燻蹄 $38：相比起上一個滷水併盤，個人覺得呢個小食會係更好選擇，清涼口感已經令人耳木一新既感覺，重點係食得出好新鮮，肉質唔韌，十幾塊兩人share都好足夠。
最掂叉燒併燒鵝飯$55：呢到招牌係叉燒，仲叫自己做最掂叉燒，當然要試下佢囉，食落感覺同平時既叉燒好唔同，一咬就散開，肉質出乎意料咁鬆化，唔需要埋牙肉搏既叉燒而另一特點係一啲都無油膩感，食碗飯都無多滴油，感覺好健康，不過始終於覺得叉燒要有燒燶哂邊先叫叉燒架嘛（好唔健康唔好學我）。睇返牆身張貼既報導，先知佢叉燒唔用鬆用粉等化學物質，而係用木瓜蓉如此天然既方法去醃鬆啲肉，真係難怪咁鬆化。
四寶瀨$48：叉燒油雞燒腩仔份量平均，價錢唔算平，但唔會用紅腸雞翼呢啲低成平既食材填碟，揀呢個就可以試哂三款燒味，同樣地貫徹呢到健康燒味既原則，雞係雞脾肉且相當嫩滑，不過略嫌少左啲，而燒腩同樣較少，但肉脂相間分佈平均，皮無燒焦但亦尚算脆口，點埋芥末餸飯唔錯！比較幾款燒味，個人都係覺得叉燒係最好的（偏心既黑洞XD)，因為四寶呢個量黎講唔夠黑洞食，但正常女仔應該夠食佢飯同瀨粉都好多。
食燒味食到好似食korean food 咁XD 比左好多醬料，不過普偏都較淡口，如果無咁稀會好啲，但反而薑蓉明顯減去左油份更能帶出薑既刺激感。整體黎講，呢到主打健康燒味都幾岩怕肥又想食燒味既絲打，難得健康同味道兩者都能平衡，不過對於我呢啲重口味人士可能等食肥啲就會再黎
Post
