MUM 日常野菜料理 (Closed)

之前經過位於酒店下面的一個food court，有幾間餐廳都想試，而呢間素菜料理特別想試。佢個menu有十多款選擇，可以揀3款料理set ($100)同4款料理set($125)，套餐包一碗五榖飯、味噌湯同麥茶。如果唔想食飯，可以加＄轉烏冬，而飲品亦可以加$10轉豆乳或杏仁奶。我最後揀咗3款料理set，包括秋葵湯葉（鮮腐竹）、味噌豆腐同關東煮，另外轉飲杏仁奶。上枱擺設很日式感覺，首先試咗個湯，有紅同白蘿白片加豆腐，味噌味啱啱好，唔太鹹。而每款料理都係比較淡口，食得出冇味精，好健康。本身好喜歡杏仁奶，佢唔似杏霜嗰款味，似盒裝款幾杏仁奶，也不錯。整體來說食物質素不錯，每一啖都好健康，惟獨價錢略高。但偶然想清清腸胃，都是值得一試的！