日喜樓 (Closed)

上海菜出名係濃味同偏甜，雖然係好好味，但其實都好唔健康。今日同家人黎到呢間新開ge飯店食飯，整體黎講比起傳統的上海菜，味道較淡，亦不偏甜，相對上比較健康。雞絲粉皮份量來講都唔算少，雞絲粉皮青瓜比例啱啱好。麻醬都香，不過就無平時食開咁甜。銀芽炒鱔糊鱔份量夠多，銀芽亦唔會炒到過老！雖然個樣好黑，但係一D都唔咸，味道幾好，如果可以再收乾身D就更好。煎鍋貼呢到D鍋貼掂！大大隻！一咬開就爆汁，值得推介茶樹菇金菇翡翠苗呢個又係推介之選！味道非常好，翡翠苗好入味， 值得一試。上海粗炒健康版的上海粗炒，比出面吃到的少油少鹽少糖。雖然少咗好多調味料，但係唔代表佢唔好食。呢個亦都係推介之一。黑松露雜菌炒飯呢一個係今餐最好食嘅一道餸，鑊氣好夠，好夠乾身，黑松露味亦都非常突出。唔試就笨。香酥鴨呢隻鴨就一般般，鴨味好濃，未必個個受到，肉亦比教鞋口，份量都唔多，可能因為隻鴨細隻。隨鴨會附送呢d好似镘頭GE包，都唔錯。整體質素唔差，過時過節都可以再去食。