Video
Read full review
2017-01-16
743 views
點解話Goobne既雞係健康版? 因為佢唔係用油炸既方式黎整，而係焗既~ 但係整出黎同炸雞一樣非常惹味，不容錯過!是日同朋友唱完K之後就黎到尖沙咀既Goobne直落食晚飯，大約7點左右上到去，已經差不多滿坐，有幾個人係門口等位，二話不說即刻拎飛仔排隊，6個人係大檯，下一張就係我地。等左15分鐘到就有店員叫我地號碼，確定我地6個到齊之後就帶我地入坐lu，比左張靠牆既卡位我地，闊落坐得舒服。有朋友之前黎過食，推介蜜糖咖哩烤雞，蛋卷同燒酒cocktail特飲，我地一於叫晒黎試😂😂再加多一份芝士烤雞同埋芝士年糕。最先黎既係燒酒特飲，見到個底有好多柚子肉~店員亦貼心地準備左一人一隻燒酒杯，細細杯，慢慢飲一飲落已經試到燒酒既味道，加埋柚子甜甜地，好易入口，食住野一個唔小心就一杯接一杯😂不過對我黎講呢就好似甜左少少，可能我本身麻麻地甜野，但朋友們都表示岩岩好呢個就係包左韓式粉絲既蛋卷la~ 餡料滿滿，蛋又香又厚，加埋茄汁同芥末一齊食，好好味! 芝士年糕好足料，有年糕之餘仲有拉麵，大家除左爭住影相，仲爭住拉一條條芝士絲出黎😂 個個都成功! 年糕完全地道韓國風味，醬料算幾辣，但又好香好香，撈埋芝士一齊食
因為佢唔係用油炸既方式黎整，而係焗既~
但係整出黎同炸雞一樣非常惹味，不容錯過!
是日同朋友唱完K之後就黎到尖沙咀既Goobne直落食晚飯，大約7點左右上到去，已經差不多滿坐，有幾個人係門口等位，二話不說即刻拎飛仔排隊，6個人係大檯，下一張就係我地。
等左15分鐘到就有店員叫我地號碼，確定我地6個到齊之後就帶我地入坐lu，比左張靠牆既卡位我地，闊落坐得舒服。
有朋友之前黎過食，推介蜜糖咖哩烤雞，蛋卷同燒酒cocktail特飲，我地一於叫晒黎試😂😂
再加多一份芝士烤雞同埋芝士年糕。
最先黎既係燒酒特飲，見到個底有好多柚子肉~店員亦貼心地準備左一人一隻燒酒杯，細細杯，慢慢飲
一飲落已經試到燒酒既味道，加埋柚子甜甜地，好易入口，食住野一個唔小心就一杯接一杯😂
不過對我黎講呢就好似甜左少少，可能我本身麻麻地甜野，但朋友們都表示岩岩好
呢個就係包左韓式粉絲既蛋卷la~ 餡料滿滿，蛋又香又厚，加埋茄汁同芥末一齊食，好好味!
芝士年糕好足料，有年糕之餘仲有拉麵，大家除左爭住影相，仲爭住拉一條條芝士絲出黎😂 個個都成功!
年糕完全地道韓國風味，醬料算幾辣，但又好香好香，撈埋芝士一齊食，忍唔到口!
之後重頭戲烤雞就黎啦!!呢款係蜜糖咖哩，芝士烤雞因為太快開動既關係影唔切相🙈🙈 佢實在太香啦😍😍
兩款烤雞各有秋千，芝士果款比較乾身，焗到雞皮又香又脆，再灑上厚厚特製芝士粉調味，一上檯就極速比我地掃晒。
不過! 原來蜜糖咖哩先係我至愛❤️❤️
我好鐘意佢個汁~~ 本身雞肉面已經抹左少少咖哩醬，岩岩好夠香又唔會蓋過雞既味道，烤既過程再搽上蜜糖，出到黎簡直係升級版既蜜汁燒雞翼!
每一啖都好惹味，食到停唔到口，好彩佢係焗而唔係炸，如果唔係都唔可以食得咁放心同開懷!
可能因為太多人黎朝聖既關係，店家規定用膳時間90分鐘，原本都擔心傾計傾得唔盡興，不過擔心係多餘既，皆因店員效率高，d野好快就上齊，之後就任我地自己開餐la~
Goobne真係一間高質素韓式烤雞，仲有太多口味未試🙈🙈
下次再黎食過~~~
Post
