素食一家 (Closed)

位於旺角洗衣街145號有一間齋店。因為我家老媽子最近話要我佛慈悲，所以就帶她來吃個齋。話說這裡都幾邊緣位置，所以找了一會。店內好我佛有緣的feel呢！牆上滿是字畫。簡潔的裝潢有平靜的氛圍。黑椒雙茄焗鮑仔 $85素做的鮑魚仔真心第一次食，口感原來都幾似真的鮑魚，煙煙韌韌！雙茄新鮮！黑椒煮更是惹味，少少辣！原來素鮑都幾好食。齋滷味拼盤 $58滷味就食得多，齋滷味就比較少食，記得細個時都係跟婆婆食過一次。一碟三味的滷味，齊叉燒不論口感感是味道都有七分像，其他兩個都不錯，酸酸甜甜。松子黑松露炒飯$95飯炒到粒粒分明！松子香口，黑松露就令整個飯的香氣味道層次再向上提升了不少。值得推介。桂花圓玉雪耳羹$29食完鹹食就想食個甜品，桂花清香，圓玉雪耳爽口。入口清甜可口，冬天食有滋潤的感覺。黑糖果凍 $15果凍圓滾滾，黑糖香甜！感覺果凍爽口似硬身的jelly。有機桑椹果粒凍 $20既然果凍好食，就來多個桑椹果凍。這個果凍酸酸甜甜，桑香更甚，開胃清爽。