白熊喫茶店 (Closed)

今晚約左老公放工去拍拖，係九龍灣德福廣場會合，未有心水食乜好，唯有邊行邊揾食。見到間白熊喫茶店，比佢的門面裝潢吸引著，簡潔清新。望望餐牌，感覺以健康為主，一於入去一試，員工服務態度有禮貌。日本溫泉蛋花蝦銀魚絲沙律—銀魚絲咸咸地，小小脆身，幾香，配上沙律，幾特別，幾夾。北海道牛乳蜆—用牛乳黎炒蜆真係第一次食，出奇地好味不太濃，感覺健康，清新，唔錯唔錯  和牛芝士咖哩漢堡飯—日式咖哩甜甜地不辣，漢堡肉質鮮嫩多汁，口感豐富。健康綠茶－有一種綠茶特有的甘香味，當中混著香香滑滑嘅鮮牛乳味，配脆脆一齊食，味道捧極了。mocha －老公話稍為甜了一點點，但有濃濃的朱古力及咖啡味，不錯