白熊喫茶店 (Closed)

和朋友在德福看完戲就覺得肚餓，決定吃完晚餐才各自回家。因為不知道吃什麼才好～就去看看商場指南，剛好見到有「白熊」！之前都是碰巧去青衣那邊才有吃到，所以見這裡也有就說不如吃這家就好～沒想到晚飯時間也完全不用等位 ( 店內有一些聖誼裝飾了呢)點好主食後，想點芭菲～但店員竟然說沒有 T＾T啊.....沒有的話就不要給我Menu嘛 (在飲品餐牌下方的就是甜品的部份)朋友點了 － 咖喱牛肋條流心蛋飯 ($98)普通的蛋包飯已經不夠了！原來這裡有流心版本的雖然不是很澎拜的流心 (笑) 但也很嫩滑似呢我的話則是選了 - 北海道味噌蜆肉扁麵 ($68)很香的味噌味道，吃落惹味但不會過鹹。扁麵雖然沾滿了味噌，但如果煮得再稔身一點~口感會更好。另外蜆肉份量頗多～而且也算頗大隻 ＞＜但可惜的是吃到有點腥腥地的味耶～

這店嘅餐牌同白熊咖哩有別。如果你為咗招牌菜，漢堡扒咖哩而來，你會失望，溫泉蛋亦都無嘅。更加無自由配搭咖哩飯款。我點咗1. 雞扒咖哩飯 2. 牛肉蛋色飯。 首先講(1), 雞扒半煎炸，味道尚算可以，至少肉質嫩滑，沒有冰鮮味。但那個咖哩汁，顏色倒胃，汁內嘅牛肉粒超乾，超鞋。只有鹹味，沒丁點咖哩香。飯，係日本米，但半生熟，乾、冷。然後（2）蛋是香滑，流心嘅。可惜，飯依舊係硬，半生熟。牛肉也是鞋口。餐後點了凍咖啡($3X)，伏中之伏，顏色係一杯好稀嘅奶茶，飲落去，一點咖啡味都無！最基本嘅飯，都煮到咁。水吧，同廚房都真係有待改善。我唔會再去。嘥錢。

今日去睇戲前去白熊食左個下午茶，第一次食，睇啲圖好靚好吸引，不過好老實講，係有啲失望。我第一間差評的餐廳。我叫左呢個芒果芭菲，個樣ok,但個雪糕一啲芒果味都無，中間芒果肉同最底既脆片就正，夾埋食其實完全無好濃芒果味，雪糕無芒果味得黎亦唔濃郁至於朋友呢個千層蛋糕就好啲，但我只係試左少少，都叫正常。係比較細件。

想搵間有質素既下午茶 經過見到白熊有拉麵所以就入左黎試下個雞扒勁乾 賣相又差 黑蚊蚊雞扒係炸唔係煎吉列蝦無蝦味 仲要得2條吉列豬扒叫做好d 起碼厚肉麵包糠同豬扒唔會分離成碗拉麵無味拉麵湯底好淡無下次

外表不錯，抱著一試，大失所望。熱coffee,大杯，有香味，但好似飲水咁希😑下午茶餐，除了薯條好味外，雞翼味好奇怪，酸。三文治，凍了，我覺得大快活反而較好味。本想食埋甜品，但放棄了！Ps:環境因為音樂類型，好嘈，一點也不享受。

豆蓉湯，係食到有豆蓉嘅，但咸過茶記hea爆例湯，質地好稀，我同朋友都冇飲到lunch set no. 6 咖哩芝士泡菜豬蹄飯, 我個人幾鐘意佢啲咖哩，加埋泡菜，薰蹄幾肥你都會夠汁送飯至於薰蹄，怕肥嘅女仔就唔洗諗喇，主要係肥豬肉雖然佢哋服務，食物都好一般，但我食嘢慢，唔洗等位係好重要嘅賣點，加上佢杯咖啡夠大杯，唔酸，奶泡香濃，成為另一我會考慮佢嘅原因整體而言，喺德福趕時間，想坐得舒舒服服，對食物冇咩要求就揀佢啦！

以set menu既價錢，曾經期望過水準應該唔差。但無奈租金高企，我覺得有一半既價錢係去左交租。跟餐既田園沙律同餐湯平平無奇，沙律略為細份，餐湯同出面餐廳既味道相若。主餐出場板燒雞扒配紫菜薯角及烤露荀，露荀只得2條，說好的紫菜變天婦羅蔬菜、薯角變薯條。（從賣相黎睇，已經失望）雖然雞扒夠滑，但以呢個價錢，我會期望配菜多返少少。銀鱈魚柳炸南瓜餅，只有一舊魚、菠菜、蕃薯片同炸南瓜餅。（一上碟已經感到中伏）既然俾得一舊魚我，我有諗住如果真係唔好食會無下次，事實上一入口只感到 鞋鞋鞋、菠菜落左蒜蓉去炒，都係 鞋口、蕃薯片夠清甜（但影響唔到我對呢碟野既評價）、炸南瓜餅味道甜，內裡有栗子（單單食呢個會覺得好味，但都係動搖唔到我既評價）甜品壓尾set menu加30蚊既窩夫千層配迷你芭菲，相同實物差好多呢（完全無晒幻想），用30蚊去食都還可以，俾64蚊正價我係唔會想食。

今日同兩位傻傻的朋友聚會，決定去九龍灣搵間特別D既餐廳食飯。今次就簡左九龍灣德福廣場2期既「白熊喫茶店」，店內以木色為主調，色調柔和，彌漫一股溫暖感！環境尚算舒服😊依個和風炒麵，裡面有椰菜、紅蘿蔔、煙肉等配料一齊炒，配料十足，顏色奪目！而麵炒亦都炒得乾身，調味亦恰到好處，香氣撲鼻,非常惹味！好岩我胃口！吉列大蝦奄列蛋咖哩飯 $76依碟吉列大蝦奄列蛋咖哩飯既蛋包整得剛剛好, 薄得黎底下唔乾還帶少許蛋汁, 白飯也是粒粒飽滿肥嘟嘟，唔錯！味道方面，日本咖哩出名味道都係比較溫和的, 就算係辣都唔夠夠印度咖哩的十分一。不過依碟咖哩太甜，而且咖哩味道唔夠香濃, 食落去無乜特別。三文魚蟹籽咖哩意粉 $76依碟三文魚蟹籽咖哩意粉根本就係「成人兒童餐」，意粉有色但咖哩味道極淡，而三文魚得手指公咁長，成碟野我食左幾啖就食完啦，完全好似無野落過肚。我自問唔係超大食既人，但呢碟野份量真係極少，味道份量同價錢完全不成比例！Sad!!!

今次就去左白熊喫茶店，試左個咖哩牛肋條流心奄列蛋飯 蛋味好濃, 份量好大, 估大約有3隻雞蛋!! 一個女生多數食不了呢. 飯都弄得很軟熟, 口感不俗! 至於咖哩就香香甜甜呢, 因是日式, 所以不會辣呢. 感覺很開胃呀! 配飯好好呀! 流心感覺做得幾出色, 影相一流呀! 而牛肋條是分開上的, 煮得剛好, 不會"鞋"又不會硬, 鮮牛香味十足. 食得過呀! 跟餐送飲品一杯, 都有不少選擇

下午茶還未吃午飯，工作關係到了九龍灣一趟，索性快吃個下午茶才回家。 以為「白熊」系列餐廳只有咖喱，原來有間白熊喫茶店，看到可愛的小熊，一於試一下~日式的裝潢，木和石磚的設計，簡單不梁跨單點了白熊全日食拼盤$78-HKD下午茶選擇不多，點了板燒雞扒烏冬 $58-HKD雞扒跟烏冬是分開上的，日式烏冬有咬口，不會煮得過腍拼盆有薯條、炸芝士、魷魚圈、餃子和雞翼，賣相跟Menu的有點出入，炸得有點「老」和硬，失望呢~加了$10-HK點了牛奶雪糕，香濃的牛奶味，不會太甜

這是第二次來到白熊喫茶店還記得第一次是在早兩年我生日那天來到然後對那個牛肋條印象深刻，因為好韌...兩年後再次來到，今次變聰明不點牛肋條了看完整個 Menu 還是想吃庵列飯所以要了 吉列大蝦庵列蛋咖哩飯，沒想到會有 3 隻 吉列蝦！通常都是只有 2 隻吉列蝦的吧？所以很驚喜賣相不俗，味道都很好。吉列蝦剛炸起又熱又脆，蛋都算嫩，咖哩是不辣的。男朋友就要了 溫泉玉子牛肉咖哩焗飯剛焗起時冒著煙，十分燙口我們的食法是將半熟的玉子弄穿，再混合咖哩飯味道非常濃厚，比起普通咖哩飯更美味！這個出乎意料地好食，下次我也要點這個白熊喫茶店 的缺點就是沒有跟餐飲，所有飲品都是要散叫，如果可以加錢配上主食會更好我們分別要了 日本抹茶紅豆雪冰 及 原味乳酸梳打紅豆已經打成蓉，雖然少了一些口感，但飲起來不需用匙羹更方便抹茶甜度適中，不會偏苦或過甜，不錯！本來男朋友想要巨峰乳酸梳打，但恰巧售罄所以唯有要 原味乳酸梳打，味道其實和在超市買得到的差不多下次再試試其他的食物吧！

中午十二點正 尼到白熊喫茶店食晏仔喫茶"尼個term好台式呢哈哈餐廳以不同深淺嘅木色做主調 配合牆身嘅掛畫同薰衣草擺設 令人覺得好舒服好relax豬小姐order左03.軟殼蟹明太子意粉同埋08.溫泉玉子芝士咖哩焗飯 揀左雞lunch set會包埋餐飲 餐湯嘅 飲品我揀左玄米綠茶 茶味好淡 無嘜味 有啲似飲水 而雜菜湯份量唔多 亦比較稀 唔夠濃 味道尚可意粉加左蒜頭 洋蔥同乾蔥去炒 配上辣辣地嘅明太子去炒 好香好惹味 意粉軟硬適中 texture幾好軟殼蟹炸出尼嘅效果唔錯 炸粉薄 好脆口 不過隻蟹都幾細隻 唔夠喉呀如果加多隻落去就更加滿足啦雞嘅肉質幾乾下 唔夠滑 不過明白焗嘅雞好容易過熟 影響口感 但醬汁先係整個咖哩飯嘅靈魂所在 咖哩汁微辛 甘甜可口 芝士平均咁鋪係上面 成功做到拉絲嘅效果豬小姐好鐘意食流心蛋架 水潤流心嘅蛋液連埋咖哩飯一齊食 簡直係perfect match 可惜嘅係 汁唔夠多 唔夠豬小姐撈飯食呢環境唔錯 好舒適嘅用餐地方 都幾適合鐘意靜靜地嘆下 梳乎下嘅朋友仔尼試試 但價錢略貴呢 食物質素亦有進步空間

聖誕節係德福廣場想食晚飯，好多地方都要等位，行經白熊喫茶店，見冇人等位，又未試過，所以入去試一試。剛好8:00唔一定要叫聖誕餐，所以叫左一個咖喱飯，同一個聖誕餐。咖喱飯可能係日本咖喱，完全唔辣，仲要係冇咖喱味，要加佢枱面上供應既辣油，先叫比較有味。牛扒煎到好乾，可能聖誕節餐都係咁上下。香蕉船，原價$60，跟餐半價$30，講真如果比正價就真係太貴，綠茶雪糕完全冇綠茶味，牛奶雪糕亦唔太好味，配料普通。終於知道聖誕節不用等位既原因

今日黎到呢間白熊喫茶店食個聖誕節餐，成$200食個牛扒晚餐，質素仲衰過茶記賣相吾得，我建議大家去茶記食個什扒餐仲好味，又話送咖啡、茶或汽水，連檸檬茶都冇，汽水仲係冇得揀，只有7up，真係牛又無味自己食左仲谷氣！

喜歡綠茶的我當然要試試白熊綠茶軟雪糕配紅豆和朱古力脆脆，賣相方面不過不失，紅豆和朱古力脆脆放在軟雪糕的旁邊，軟雪糕'唧'得尚算漂亮。味道方面，軟雪糕的質感十分幼滑，入口即溶，而且不會留下'粉味'，其次濃郁的綠茶味，淡淡在口腔中瀰漫著，揮之不去，並且雪糕不會太甜，我很喜歡這一點。甜品評鈕:7/10一個完美的下午茶固然不少得紅茶作伴，點了一個英式紅茶，他們用了一個全透明的茶壺送上，能夠清楚地看見紅茶的顏色，呈現淡淡的橙紅色，從茶壺的開口中，散發著淡淡清香芬芳的紅茶味，彷彿置身於一片茶葉海中，品嚐一口紅茶，為味蕾帶來一絲絲清香的感覺。而且更可以消除一些飽滯的感覺。飲品評分:6.5/10