R&R Bagels

Open Now

Now Closed

健康生活主義帶起嘅bagel熱潮都流行咗一段時間，今次呢間細鋪仔專賣配搭唔同餡料嘅bagel，葷素選擇眾多，總有一款啱你心水😋揀唔啱店家提供嘅配搭都唔緊要，內餡同bagel係可以自己揀架，想點配搭都得！1. Double Smash Burger Bagel（$148）呢款係配咗薯條嘅🍟估唔到佢嘅薯條都好有驚喜，外脆內軟，薯香味濃郁，預先調咗味，唔點茄汁都好夠味😍講返個bagel，似係將牛肉漢堡嘅麵包變咗bagel🤣雙層牛肉入口爆曬汁、牛香味十足，配上半溶芝士同醬汁超級滿足🥺又冇食漢堡咁罪惡（好似係……）2. Avocado Feta（$80）另一款就揀咗素bagel，如果你以為素bagel會好dry就大錯特錯啦～店家搽咗好多新鮮牛油果蓉🥑配上feta cheese同大量arugula，非常清新爽口，完全唔油膩，但都會有好滿足嘅感覺！！！3. Cobb（$110）用咗Romaine Lettuce做沙律菜，新鮮爽脆，完全冇苦澀味，落咗大量煙肉同雞胸肉，再加埋一隻蛋同半隻牛油果，係優質碳水、蛋白質同油脂嘅結合🫣追求健康飲食嘅朋友一定要試！