Video
Read full review
2023-04-05
565 views
最近想食得健康啲，但係又想識得飽肚，諗起上環有好多地方都食到poke，今次就見到有一間網絡裝修好簡約，但係款式有好多嘅店舖，一於同朋友入去試吓，餐廳採用電話表單咁就可以喺電話入邊睇到自己想食啲乜嘢啦。我就叫咗個Spicy Ahi Tuna，見到上菜嘅擺盤好豐富，有好多吞拿魚青瓜，芒果，芝麻青椒同埋有豆。揀咗沙律菜，同埋壽司飯兩溝，份量都唔少，而且又可以食到多啲菜，菜都非常之爽口。吞拿魚咬落去無筋，一咬就食到，口感嫩滑，雖然唔會話好似拖羅咁咁重油脂，但係咬落去都有嗰種油脂嘅感覺，豆就非常之脆口，為壽司飯帶嚟別有一番嘅口感。佢配上嘅豉油唔會好咸，唔會覺得有負擔，雖然少少辣，但係又可以吊起吞拿魚同其他配菜嘅鮮味。紫菜亦都十分之脆口，食落去其實同平時嘅日式飯冇乜分別，但係就更加健康，最令我覺得驚喜嘅係嗰啲青椒仔，細細粒，咬落去本身都仲係覺得甜甜地，然後佢辣嘅後勁慢慢湧出來。去到食完碗飯嘅最後都仲有嗰種辣味，依個真係好驚喜。分量一般但係食落去其實好飽，所以食魚生都可以食得好健康！朋友叫咗Salmon The Classic材料有三文魚、牛油果、生菜、青瓜等，三文魚就切成粒狀，上面亦灑上芝麻碎同蔥
我就叫咗個Spicy Ahi Tuna，見到上菜嘅擺盤好豐富，有好多吞拿魚青瓜，芒果，芝麻青椒同埋有豆。揀咗沙律菜，同埋壽司飯兩溝，份量都唔少，而且又可以食到多啲菜，菜都非常之爽口。
吞拿魚咬落去無筋，一咬就食到，口感嫩滑，雖然唔會話好似拖羅咁咁重油脂，但係咬落去都有嗰種油脂嘅感覺，豆就非常之脆口，為壽司飯帶嚟別有一番嘅口感。
佢配上嘅豉油唔會好咸，唔會覺得有負擔，雖然少少辣，但係又可以吊起吞拿魚同其他配菜嘅鮮味。紫菜亦都十分之脆口，食落去其實同平時嘅日式飯冇乜分別，但係就更加健康，最令我覺得驚喜嘅係嗰啲青椒仔，細細粒，咬落去本身都仲係覺得甜甜地，然後佢辣嘅後勁慢慢湧出來。去到食完碗飯嘅最後都仲有嗰種辣味，依個真係好驚喜。分量一般但係食落去其實好飽，所以食魚生都可以食得好健康！
朋友叫咗Salmon The Classic材料有三文魚、牛油果、生菜、青瓜等，三文魚就切成粒狀，上面亦灑上芝麻碎同蔥花，令人感覺特別清新健康。而飯底就選擇咗壽司飯，壽司飯採用珍珠米，飯嘅醋味香之餘，亦有咬口，唔會太乾太硬，口感十足。
份量方面，蔬菜、飯及三文魚佔5:3:2，當中仲有一舊檸檬，可以榨啲檸檬汁落去，增強鮮味之餘，亦更加開胃。
生菜及青瓜鮮甜清新，牛油果則口感細軟，入口即化。三文魚就有少少肥，鮮美嫩滑。總括而言，配菜相當豐富，同時整體清爽健康得黎又幾滿足。
佢仲有一啲素食或者輕盈版嘅poke，下次又可以試下了！
Post
