Poking

今日同男朋友去咗上環打波，打完波之後就喺附近搵吓有冇午餐食。行過就見到呢間poking，主打健康食品，所以就即刻入去試吓。我就試咗自選夏威夷蓋飯，加咗牛腱肉同埋蝦。配料係青瓜，枝豆同蔥花。上面再配啲香口脆脆，木魚絲同埋紫菜絲。最後汁就揀咗原辣豉油。一上到嚟見到個賣相就10分吸引，裝到好滿。唔好睇佢大大兜其實佢嘅卡路里唔係好多，適合我同男朋友呢啲關注體重同埋健康嘅人。佢嘅牛腱肉唔係白烚有牛味，加上豉油配埋一齊食好好食。如果蝦係爽口嘅唔係梅嘅蝦都係點完事豉油之後好好食。因為我唔想太Heavy所以呢就由飯底轉咗做蕎麥麵底，蕎麥麵好有口感，配咗個豉油之後好似食緊冷麵咁好正！而男朋友就揀咗個I am Greedy。佢個飯超足料勁吸引，有三文魚，吞拿魚，又有蟹肉沙律，蟹籽同青瓜，同埋蛋絲。我男朋友就冇特別嘅醬汁，本身有蟹肉沙律已經好夠味。加上糙米底，同白飯一樣升糖指數比較低，真係健康首選。而家大家都追求健康生活，相信呢間舖頭亦都會係我哋回頭首選！