The Socialhouse (Renamed) View

The social house放工同愛人去左炮台山睇下孔雀魚，見餓餓地就喺附近搵食，點知都行左去大坑，入去啲巷仔度，當時六點零仲早，見到呢間幾有格調，就放心一試。一嚟到，個女侍應到好有禮貌咁同我地分享，其實我哋仲未開架，不過如果你唔介意等多一陣間，其實我哋都ready嘅！我地覺得好窩心，又唔會呃個客，迫個客等，所以決定支持佢。一開波就上自家製麵包：未試過有餐廳做一啲有餡嘅包，入面有車厘茄乾同香草，好香好鬆軟，車厘茄嘅味道滲透坐喺包入邊。四色蕃茄沙律：來自法國嘅四色蕃茄，有紅、青、黃，仲有好少見嘅橙色添，好新鮮，好juicy！幾有驚喜蜜瓜巴馬火腿：佢哋不嬲係絕配，好香濃嘅豬味，咸咸嘅火腿配哈蜜瓜，味道層次豐富西班牙式燒乳豬：個皮燒得好脆呀，卜卜聲，入面啲肉好嫩，啖啖肉，好味道到要"選"埋條骨。配埋個秘製醬，仲消除左佢入面既油膩感添虎蝦天使麵：好大隻蝦呀！爽口彈牙，好鮮味。天使麵麵身Q彈。味道又清新又香濃，因為茄味同芝士味嘅溶和，可以話係互相輝影。下次去開，可以再考慮！