Video
Read full review
2023-08-29
64 views
平時甚少打食評 但我覺得哩間餐廳嘅服務質素有進步嘅空間 所以好想比些少意見首先經OpenRice訂枱嘅時候係有提供八折優惠當我去到嘅時候職員同我講依家冇折扣優惠 些少道歉成份都冇我清楚記得OpenRice 嘅折扣優惠係未過期的 所以我心裡疑惑為何沒有優惠🤔但由於我預訂哩間餐廳係諗住同朋友慶祝生日 唔係為咗優惠 所以我同朋友都照入咗去食飯 但唔排除有客人會因為有折扣而去預訂哩間餐廳 若果一去到先被告知沒有優惠 我覺得會令客人帶來不便 然後 幫我哋落單嘅侍應 佢嘅對答同語氣令我同朋友都覺得唔友善 佢全程黑面之後 我特地另外去門口搵另一位同事幫我特別落單 要份甜品加生日牌同煙花 而且同事清楚知道我係邊張枱號 而我都有再三確認同事沒有落錯單同枱號 但其實我OpenRice 預訂嘅時候已經寫明同朋友慶祝生日 同埋想預訂一個生日甜品點知食哂所有主食小食 諗住同事會醒水上甜品點知冇上 就諗住扮再落返同一個order 諗住佢哋會記得我哋枱嘅生日牌同煙花點知 嚟到嘅個甜品係乜嘢都冇加！而心急同朋友慶祝生日嘅我諗住冇驚喜比我朋友都算 忍唔住當面同侍應講點解冇咗個生日牌然後佢哋就重新插返個生日牌同插返蠟燭
平時甚少打食評 但我覺得哩間餐廳嘅服務質素有進步嘅空間 所以好想比些少意見
首先經OpenRice訂枱嘅時候係有提供八折優惠
當我去到嘅時候職員同我講依家冇折扣優惠 些少道歉成份都冇
我清楚記得OpenRice 嘅折扣優惠係未過期的 所以我心裡疑惑為何沒有優惠🤔
但由於我預訂哩間餐廳係諗住同朋友慶祝生日 唔係為咗優惠 所以我同朋友都照入咗去食飯 但唔排除有客人會因為有折扣而去預訂哩間餐廳 若果一去到先被告知沒有優惠 我覺得會令客人帶來不便
然後 幫我哋落單嘅侍應 佢嘅對答同語氣令我同朋友都覺得唔友善 佢全程黑面
之後 我特地另外去門口搵另一位同事幫我特別落單 要份甜品加生日牌同煙花 而且同事清楚知道我係邊張枱號 而我都有再三確認同事沒有落錯單同枱號
但其實我OpenRice 預訂嘅時候已經寫明同朋友慶祝生日 同埋想預訂一個生日甜品
點知食哂所有主食小食 諗住同事會醒水上甜品
點知冇上 就諗住扮再落返同一個order 諗住佢哋會記得我哋枱嘅生日牌同煙花
點知 嚟到嘅個甜品係乜嘢都冇加！
而心急同朋友慶祝生日嘅我諗住冇驚喜比我朋友都算
忍唔住當面同侍應講點解冇咗個生日牌
然後佢哋就重新插返個生日牌同插返蠟燭
但我朋友已經係好尷尬 完全唔覺得驚喜😅
多得啲員工 我哋有哩個偽生日驚喜！
好地地同朋友慶祝生日嘅心情就冇咗
點解可以咁簡單嘅慶祝生日甜品都可以搞到咁 如果係咁 客人都唔需要一早喺OpenRice remark 定 唔需要到咗餐廳之後當面再確認叫咗甜品
然後同其他朋友分享 朋友話原來佢早幾個月餐廳新開嘅時候都有嚟慶祝生日exactly係遇到同我今次一樣嘅fail 慶祝生日情況
估唔到事隔幾個月 員工嘅服務質素依然係冇改善過
原本間餐廳都幾好 環境好靚 打卡一流 仲望到日落海景 食物質素都唔錯 係好食嘅 碗碗碟碟同餐具又好靚 其實係食得開心！ 可惜嘅係 啲員工質素搞到成間餐廳質素都下降哂 ！
建議餐廳要重新培訓員工要以禮待客 同時 希望餐廳注意一下優惠折扣問題 同埋 慶祝活動問題
Post