Video
Read full review
2018-04-05
3651 views
三個食肉獸去開大餐，傲嚐就最啱！眾所皆知，傲嚐食海鮮大碟抵食，雖然環境似大牌檔，但係厠所乾淨過榮哥嗰到先呀！點解坊間成日會流傳呢到麻麻，何解？🧐今次有我、餓狼同虎嚥三隻食肉獸book咗個海鮮餐，食肉食到飽都係 $1,050，抵！但係講到好唔好食就要聽兩位廚房大佬品評一吓啦！先講個馬蹄胡椒豬肚湯，湯滾料足，豬肚出味，豬骨出髓，加埋幾粒正氣白果斂肺益氣，甜心馬蹄更係清熱消滯，湯膩而不肥。點解美中不足？胡椒不夠味之故也！胡椒夠好湯則能驅寒祛濕暖胃，胡椒不夠好就比其他湯料蓋過。品評呢煲肉湯就有80分，但係馬蹄胡椒豬肚湯就只得65分。講完個湯講椒鹽豆腐鮮魷，呢道菜只係想問二句，鮮魷飛水後有冇用毛巾整到乾晒先加鹽？椒鹽係預先炒好，放低左一段時間先然後再落鑊同鮮魷一齊炒？唔明就係屋企炒一次你就知道分別。跟著就係講鮑魚，做個廚房都知，鮑魚本身味淡，x洲急凍鮑魚味更淡。想佢香，要用酒，想有味，要煮汁。如果兩樣都唔愛剩係用綠色牙膏加豉油，唔該飽魚切片加夠凍(要見冰粒圍碟)，入口先會甘甜(要用靚wasabi，鮑魚唔靚用芥辣)，最重要係唔好跟住椒鹽菜餚後面，因為會特顯清淡冇味。一係放佢做頭盤，盛下夠消暑，一你
今次有我、餓狼同虎嚥三隻食肉獸book咗個海鮮餐，食肉食到飽都係 $1,050，抵！但係講到好唔好食就要聽兩位廚房大佬品評一吓啦！先講個馬蹄胡椒豬肚湯，湯滾料足，豬肚出味，豬骨出髓，加埋幾粒正氣白果斂肺益氣，甜心馬蹄更係清熱消滯，湯膩而不肥。點解美中不足？胡椒不夠味之故也！胡椒夠好湯則能驅寒祛濕暖胃，胡椒不夠好就比其他湯料蓋過。品評呢煲肉湯就有80分，但係馬蹄胡椒豬肚湯就只得65分。
講完個湯講椒鹽豆腐鮮魷，呢道菜只係想問二句，鮮魷飛水後有冇用毛巾整到乾晒先加鹽？椒鹽係預先炒好，放低左一段時間先然後再落鑊同鮮魷一齊炒？唔明就係屋企炒一次你就知道分別。
跟著就係講鮑魚，做個廚房都知，鮑魚本身味淡，x洲急凍鮑魚味更淡。想佢香，要用酒，想有味，要煮汁。如果兩樣都唔愛剩係用綠色牙膏加豉油，唔該飽魚切片加夠凍(要見冰粒圍碟)，入口先會甘甜(要用靚wasabi，鮑魚唔靚用芥辣)，最重要係唔好跟住椒鹽菜餚後面，因為會特顯清淡冇味。一係放佢做頭盤，盛下夠消暑，一你簡單D薑䓤豉油蒸做菜放係貴妃蚌前面，鮑魚面記得介幾下，又有鮑魚又有貴妃蚌，另食客對跟著D菜餚有無比遐想。
講吓豉油王大花蝦，蝦鮮有膏殼夠脆，鼓油甜小小就畫龍㸃晶啦！
馬上就到貴妃蚌加粉絲，呢味同樣新鮮又大隻，去沙工夫夠，粉絲亦夠乾身，本來想比90分，但係D蒜容好似超市罐裝蒜蓉就扣哂分啦！
快快上碟清蒸海魚，講真，三條友食私房菜只係$1050，Menu仲加埋條石班仔，真係冇邊一間做到。但係條魚好似浸個水，浸魚係會滑D，But...... 冇晒魚鮮味呀！
講咗魚同蝦，冇理由冇蟹。避風塘炒蟹除咗蟹要新鮮，仲要講齊三樣嘢：香，辣，惹味。呢碟蟹夠鮮，份量足，香味不足因為蒜蓉似超市嗰D，辣味剛好因有落紅椒，惹味欠奉因為豆豉唔多夠，可惜！
最後係碟青菜，no comment.
睇完 comment大家就明白，如果好肚餓又好想食海鮮呢到真係首選，但係你唔係太肚餓又好想食好好食嘅海鮮呢到我三甲不入，講完！
Post
