泰豊廔酒家

Open Now

Now Closed

同學聚會，今次揀咗食京菜👩🏻‍🎓嚟到呢間好傳統嘅舊式京菜餐館，所有侍應都係伯伯婆婆，好有禮貌，落單嘅時候介紹我哋有啲乜嘢好味，好親切☺️婆婆介紹嘅宮保蝦仁，我哋話唔食辣嘢，跟住佢話係甜酸嘅，一啲都唔辣，差啲俾宮保兩個字呃咗而錯過咗咁好味嘅蝦🥰片皮鴨好味，冇其他一般地方嘅花巧嘢，就係傳統嘅味道，皮係傳統手搓嘅，每塊皮之間唔使用紙間開，本身塊皮嘅面有少少粉嘅質感，係唔會黐住嘅👍🏻醉鴨舌夠香，小籠包正常發揮😀椒鹽小黃魚上到嚟一啲都唔小啊，兩條都幾大條嘅黃花魚，啖啖肉，面好脆，魚肉有酒香嘅😊值得一提嘅係甜品拔絲香蕉，外脆內軟，真係好香好好味😋