保頓冰室

Open Now

Now Closed

今日去到一間尖沙咀好傳統裝修嘅冰室保頓冰室食下午茶，首先當然要食吓新鮮出爐嘅脆皮牛油蛋撻，店員介紹單叫比下午茶餐抵食，係新鮮出爐，餅底脆口，蛋味濃郁嘅蛋撻。生炸雞髀配沙律🥗，其實可以叫薯條嘅，不過突然間想食吓沙律中和下啲熱氣，炸雞髀炸得剛剛好，唔會太油個皮都好脆口，又夠晒大隻。 保頓豬扒包豬扒大塊，仲有好大塊芝士，包皮都好脆，下午茶加$3飲品可以轉凍飲，要左凍杏仁霜都好大杯。雪糕菠蘿包，有兩個雪糕球，雪糕球甜度適中，配埋個菠蘿包一口咬落去又有菠蘿包又有雪糕咁食先至正！瑞士汁雞翼，一碟有兩隻雞全翼，夠晒入味。法蘭西多士，一睇就知道係好傳統嘅西多士，西多士入面有滿滿嘅花生醬，仲要用好傳統嘅糖漿樽裝住啲糖漿，夠晒懷舊。