Video
Read full review
2022-09-19
2031 views
自疫情後，其實都好難可以約到一班人出黎食飯，今次難得約齊腳，就揀佐一間好local既潮州打冷店過一下男人的浪漫。餐廳位於九龍城，以前一定要揸車先過到黎，自從地鐵站開通黎，過黎食飯真係方便佐好多。平日時間大約8:00到達，估唔到已經座無虛席，非常旺場。打開餐牌，大部分既菜式都圖文並茂，就算外國遊客都可以輕鬆點菜，難怪店內都可見2枱外藉人士。韭菜豬紅 $58非常大碗，豬紅煮得夠熱，底部有大量韭菜，湯底加佐薑煮，鮮甜好味。春菜潮州菜既signature，除佐喺潮州飯店，其他地方真係食唔到，好大碗，加佐肥豬肉煮更鮮甜美味。潮州鹵水鵝 $98鹵水鵝有2款，有骨既叫鹵水鵝，無骨既叫鹵水鵝片，爭$40，我自己就鐘意食有骨既多d，配埋啤酒絕對無敵，個底再墊有鹵水豆腐，其他餐廳多數會俾豆腐多過肉，而呢度就岩岩相反，俾佐勁多鵝，好抵食。潮州炒蟶子 $108餐廳用佐細隻既蟶子去豉椒炒，可以更加入味，好大碟，而且蟶子好肥美。馳名蠔仔餅 $78店員放上枱既時候我地全部都大嚇一跳，真係好大碟，有3大塊，蠔仔既份量好多，蛋餅底煎得香脆，配上魚露真係有幸福感。而潮州菜配上青島啤酒絕對係絕配，一班男仔有講有笑食到差唔多
餐廳位於九龍城，以前一定要揸車先過到黎，自從地鐵站開通黎，過黎食飯真係方便佐好多。
平日時間大約8:00到達，估唔到已經座無虛席，非常旺場。
打開餐牌，大部分既菜式都圖文並茂，就算外國遊客都可以輕鬆點菜，難怪店內都可見2枱外藉人士。
韭菜豬紅 $58非常大碗，豬紅煮得夠熱，底部有大量韭菜，湯底加佐薑煮，鮮甜好味。
春菜潮州菜既signature，除佐喺潮州飯店，其他地方真係食唔到，好大碗，加佐肥豬肉煮更鮮甜美味。
潮州鹵水鵝 $98鹵水鵝有2款，有骨既叫鹵水鵝，無骨既叫鹵水鵝片，爭$40，我自己就鐘意食有骨既多d，配埋啤酒絕對無敵，個底再墊有鹵水豆腐，其他餐廳多數會俾豆腐多過肉，而呢度就岩岩相反，俾佐勁多鵝，好抵食。
潮州炒蟶子 $108餐廳用佐細隻既蟶子去豉椒炒，可以更加入味，好大碟，而且蟶子好肥美。
馳名蠔仔餅 $78店員放上枱既時候我地全部都大嚇一跳，真係好大碟，有3大塊，蠔仔既份量好多，蛋餅底煎得香脆，配上魚露真係有幸福感。
而潮州菜配上青島啤酒絕對係絕配，一班男仔有講有笑食到差唔多11點。同老闆交談先知原來佢地90年代已經開業，差唔多30年，絕對值得支持，會再幫襯！
Post
