Video
Read full review
2022-11-01
112 views
年紀大咗，口味都唔同咗，我近年對中菜感興趣，特別係潮州菜🥢。幸好身邊朋友同樣識飲識食，我哋一齊發掘邊度有好食嘅潮州菜，呢晚就幫襯咗位於灣仔嘅「正潮樓」。估唔到餐廳平日晚上都爆場，人氣頗高的。呢度環境四正，裝修略帶中式古典風味🏮，另外老闆以至店員們都幾有禮貌。題外話，餐廳設有茶位費，每人$12。蝦棗拼蟹棗($168/例)，雙棗絕對係真材實料之作，雖然佢哋係炸物，但拿捏得好好，香脆而唔油膩。🦐蝦棗並無泰式蝦餅咁彈牙，蝦肉攪得更茸，並混入沙葛同肥豬肉等，整體口感較為豐富。🦀蟹棗包裹一絲絲蟹肉，蟹肉味道鮮甜，再沾埋伴旁嘅潮州桔油，甜甜的，好惹味。老菜脯炖豬肚($68/位)，老菜脯久經存放變成黑色，味道甘香，無想像中咁重口味。湯品同時用上豬骨同豬肚一齊煲🐷，顏色偏深，飲落帶胡椒香，好暖胃，而豬肚就煙煙韌韌。水晶白桃粿($58/3件)，餐廳提供一系列嘅㷄烙小食🥠，老實講好少食冇乜概念。白桃粿個樣有啲其貌不揚，似煎粽，不過食落幾得意。水晶皮晶凝爽彈，內裏包含豆蓉、豆沙、蓮子同冬菇等，感覺有啲似甜嘅茶果。糖醋煎伊麵 ($118/例)，既然嚟到潮州菜館，就當然要試吓啲地道嘢。初嚐糖醋煎麵🍜，所以無得同出
年紀大咗，口味都唔同咗，我近年對中菜感興趣，特別係潮州菜🥢。幸好身邊朋友同樣識飲識食，我哋一齊發掘邊度有好食嘅潮州菜，呢晚就幫襯咗位於灣仔嘅「正潮樓」。
估唔到餐廳平日晚上都爆場，人氣頗高的。呢度環境四正，裝修略帶中式古典風味🏮，另外老闆以至店員們都幾有禮貌。題外話，餐廳設有茶位費，每人$12。
蝦棗拼蟹棗
$168
17 views
0 likes
0 comments
蝦棗拼蟹棗($168/例)，雙棗絕對係真材實料之作，雖然佢哋係炸物，但拿捏得好好，香脆而唔油膩。🦐蝦棗並無泰式蝦餅咁彈牙，蝦肉攪得更茸，並混入沙葛同肥豬肉等，整體口感較為豐富。🦀蟹棗包裹一絲絲蟹肉，蟹肉味道鮮甜，再沾埋伴旁嘅潮州桔油，甜甜的，好惹味。
老菜脯炖豬肚
$68
7 views
0 likes
0 comments
水晶白桃粿($58/3件)，餐廳提供一系列嘅㷄烙小食🥠，老實講好少食冇乜概念。白桃粿個樣有啲其貌不揚，似煎粽，不過食落幾得意。水晶皮晶凝爽彈，內裏包含豆蓉、豆沙、蓮子同冬菇等，感覺有啲似甜嘅茶果。
糖醋煎伊麵 ($118/例)，既然嚟到潮州菜館，就當然要試吓啲地道嘢。初嚐糖醋煎麵🍜，所以無得同出面嘅比較，麵餅應該唔係伊麵，鹼水味略重。煎麵並非茶記嗰啲肉絲炒麵咁酥脆，反而似用麵整嘅薄餅，沾砂糖同紅醋食都匹配，但兩個人食呢碟麵就有啲多同悶🙈。
干貝海鮮粥($68/位)，🍚潮州粥嘅特色係「糜」，即係指只需要等米粒「開花」就可熄火，米嘅狀態相對完整同粒粒分明。上文係引述網上嘅資訊，簡單啲講就係似粥同泡飯之間。冇諗過海鮮粥咁大碗，兩個人都夠食；配料主要係干貝仔同魷魚🦑，味道清清哋，唔飽滯。
福果甜芋泥 ($48)，呢款甜品真係唔係度度有，🍠甜芋泥密度高，細細碗已經夠晒。佢口感偏黏，芋頭香持續於口內，甜度適中。
清心丸綠豆爽
$48
22 views
0 likes
0 comments
總括嚟講，我哋今晚食嘅全部都係潮汕特產，未必喺一般中菜酒樓食得到。由於肚皮有限，有部份菜式如滷水等，未有機會一一品嚐。如果有興趣到訪的話，可以預先睇定餐牌，因為手工菜項目要預訂啊🙏🏻。
Post
