如意冰室私房菜 (Closed)

手寫Menu 好有味道！水煮牛肉 ：肉質唔錯，感覺幾鮮無咩筋位，牛肉味道頗香，辣度我個人覺得剛剛好，雖然無得選擇辣味分量，不過真心覺得可以一試。好評！蒜蓉炒蘆筍 ，選料新鮮，爽口脆身，唔會好多油。正蒜片燒汁豬排：必食推薦。豬排好鬆軟，入口即融甘濟，燒汁同蒜片個味道好夾，第一次食到咁樣配搭既豬排，幾驚喜，真係可以送到兩碗白飯。嗻嗻滑雞：又一必食推介！呢度有大半隻既分量，雞好滑身好新鮮，同埋個芡汁配合得好正。外層香濃可口，內層雞肉鮮嫩，又係送飯必備菜式。黃金雙寶 ：裡面既食材有中蝦同鮮魷，用左咸蛋黃黎一齊炸，口感好正同咸蛋黃味好出，但入面又保留到蝦同鮮魷既鮮味，尤其D中蝦系可以直接連殼一齊食，好香口，真心系誠意之作。今餐叫左五道餸，三個人食食到濟無剩餸 P.S 老火湯都幾夠火候，可惜今次咸左少少。