千家客 (Closed)

雲吞麵都算係香港文化之一，我相信每個香港人百分之九十都有食過，香港差不多每條街都有好幾間賣雲吞麵，但正唔正宗就好難講。而佐敦呢間我就覺得好正宗！一般以為正宗雲吞麵一定好殘，但呢間絕對唔係！筷子都特別啲。雲吞啲蝦好爽口，我食過坊間啲雲吞麵，蝦好梅，而蝦都冇幾舊。但呢間每一粒雲吞差不多啖啖都有好爽口個蝦肉。而幼麵就煮得好彈牙，好好食。牛腩撈就係我朋友叫的，我試咗幾舊，我覺得牛腩唔會太肥，好好食。鐘意食豬潤嘅可以叫，超級好食，必叫。