醉瓊樓飯店 (西貢街)

Open Now

Now Closed

醉瓊樓係做傳統客家菜，雖然看似平凡沒有特別，但要做得好，仲係keep住好真心唔係咁易，醉瓊樓做左40年以上，我間唔時都會嚟食，只因為出面無一間水準好似佢咁穩定。晚餐時段套餐好抵食，午餐就50蚊一口價全包，包茶芥加一，擺低50蚊就有一碟出色嘅鹽焗雞，雞色澤分明，肉質爽唔韌仲要皮一定滑一滑，鹽焗好均衡，唔似出面果啲完全唔咸，總之食唔出有鹽焗嘅感覺。我就一定食梅菜扣肉，真係無得輸，雖然佢上碟時成碟扣肉會直接放在飯面上，對於一啲講求衛生嘅食客一定接受唔到，但事實就係只要好食，絕對接受佢嘅上菜方式，而佢亦唔會為討好你而改變佢嘅作風，呢啲或許就係老店嘅堅持所以就到今時今日仲keep到水準。講番碟扣肉，佢嘅梅菜係甜口嘅當然唔會有渣啦，最出色當然係嚿豬肉，一定係肥瘦分明，仲要好甘香，出色。