醉瓊樓飯店 (西貢街)

Open Now

Now Closed

星期五晚上約從加拿大回來的家人吃飯，選老店懷緬一下。訂了 6人 7：30，早到10分鐘，座位當然沒預留。坐下說要 2-4人（$498）套餐再加自選菜式，但伙計就不斷狂推$1600套餐。還好，最後可按自己意願點餐，但很多菜式都說賣完。上菜很快，部份是溫的，不熱！8點多就自動送糖水上枱，8點半已要求結帳，說快休息了。由訂位，入座，點菜，從無提及9點關門。結果9點不到離店，他們隨即拉閘。這種老牌飯店，如果有一天經營不下去，不要怪人怪社會。

第一次食梅菜扣肉，所以比較唔到，但自己就覺得依間嘅梅菜扣肉好好食，入口即溶，好好送飯！而同行嘅朋友就係有食開梅菜扣肉嘅人，佢地都話好好食！所以好推薦食依度嘅梅菜扣肉，完！而胡椒白果豬肚湯又係好值得推薦，完全無豬臊味，腐竹味超濃，好清好飲！其他餸，一個字……鹹🥶 食完返到屋企要狂灌水。

朋友間口口相傳嘅客家小店，終於都等到我嚟一試！食落去嘅鹽焗雞，跟我之前食過一啲好多油嘅版本真係天壤之別。啲雞皮咁脆🍗，肉質又同時保持咗潤滑，微微嘅鹹香嗉到舌尖一路頂到心尖，「正」！轉頭再嚟個梅菜扣肉，呢個古早味絕對係人間美味！隻肉腍得嚟又帶有梅菜嘅「鮮」，食落一啲都唔覺得肥膩，一齊配飯根本係絕配，真係得"嚟"！最後點咗款款釀豆腐，充滿傳統手藝精神嘅精雕細琢。豆腐夠滑，仲有矜貴嘅肉餡令人嘆為觀止，「惹味」到我一次過食咗三塊，完全停唔到口！🥢咁靚嘅傳統風味，唔係咁易喺街頭巷尾搵到，真係一個為美食探險而隱藏咗嘅寶藏！要我形容嘅話，就係「古味古香」，一試難忘嘅好滋味。👍🏻

說两人也可以吃四至五人的套餐（$498），D雞又實，通菜應該炒定放在一邊很久了，豆腐又實，白果猪肚湯淡而無味，只有碟梅菜扣肉還可以食，個女待應機乎每枱客人都叫你只能下四人餐(好像迫你)，聽到別枱叫啤酒，個女待應只說要等等才能帮你下單(太忙了)。。。。。服務態度極差，又嘈，地方環境污糟邋遢，洗手間因超Dirty，两個人埋單要＄570。絕對不會見議去吃，和我絕不會再去佐敦醉琼樓吃了，這也怪不得很多香港人去深圳吃喝玩樂了

果然香港夜經濟死了， 入座時間冇講到明要9:00收工， 晚上7:30齊人， 8:15 已經不停話要last order，8:45 已經走埋嚟執嘢俾壓力你，又停冷氣，又話我哋最後一枱，又話九點幾就要閂門，最後我地經不起壓力9:00準時要離場，麻煩請更改一下你們的營業時間😓. 明明資料係講11點收工，以前都係差唔多時間，今晚如果你同我講9:00收工，我唔會入嚟食🤬🤬，幫襯左咁多年，應該係最後一次唔會再嚟食了！

有朋友從外地來港， 想吃香港的地道菜，我們找到附近有間醉瓊樓， 我們三個人大約六點鐘去到，由於我腳痛，不坐樓上， 當時一個客人都未有， 原坐一張較好的枱，侍應也招呼我們坐低， 所以這張枱並冇人訂座，但馬上遭到一位坐輪椅 (後得知他是老闆) 的男子馬上要我們離開那枱，並安排我們坐樓梯底的枱， 原打算宴客，點知坐張好差的枱，並且一路食一路被人催促埋單，八點已經被催食完未，但係我見隔離枱八點半都係啱啱上菜， 原本個餐有糖水送的，我埋單時問係唔係有糖水，跟住佢話冇， 但我哋見到隔離枱全部都有糖水! 第一次幫襯，對這間店非常失望，給我們很差的印象，也不知道他們怎樣開六十幾年！ 正所謂上樑不正下樑歪，有一位這樣的老闆，難怪啲夥記服務態度都咁差! 請大家如果要去那裏一定要三思! 我從來唔會寫評語，今次是我在openrice第一次寫評語，因為昨晚給我們留下一個非常差的印象！ 唔想因為有人因為佢哋開咗六十幾年而幫襯，就算啲食物有幾好食，那裏的人非常差，環境也非常差和污糟 ，記得連廁所門都閂唔到!

好耐無嚟食，經過佐敦特登再去，「醉瓊樓」係出名客家老店，開業至今60年，店舖內裝修陳設、老伙記服飾同人情味依然，一推門入去回憶感覺返晒嚟。✥正宗鹽焗雞 (半隻) $160係用新鮮雞炮製，食出嚟同冰鮮雞嘅味道同口感好唔同，雞嘅鮮味好濃，雞皮嫩滑有啫喱狀，無多餘脂肪，肉質緊致有彈性。鹽焗夠鹹香，但又唔會蓋過雞嘅鮮味，蘸沙薑汁真係一流，有晒嗰隻傳統懷舊嘅味道。✥酥炸脆大腸 $110都幾大碟，客家式嘅長方形嘅切法，炸得酥脆香口，夾雜油香，唔會炸到乾晒，醃製白蘿蔔墊底，蘸糖醋汁，食到傳統嘅味道。✥胡椒白果豬肚湯 $100出嚟食飯梗係飲啲功夫多嘅湯，因為自己喺屋企比較難煲到。盅上熱辣辣，奶白色，腐竹味超濃郁，溶晒喺個湯裏面，放喺度一陣湯面已起咗塊腐皮，胡椒味香，喺個口腔裏面慢慢擴散，廚師用新鮮豬肚啤水處理，無異味同雪藏味，食到豬肚好爽口彈牙，仲好多白果，值得推介。✥綠豆沙送上飯後甜品，綠豆沙濃郁、低甜。#醉瓊樓飯店地址：佐敦西貢街7號地下

神父生日，我們「聖母無玷之心侍衛團」一眾團員，當然為他慶生 ~地點就在 醉瓊樓 , 佐敦分店，一於吃一餐客家懷舊菜，大家開開心心 ~金牌鹽焗雞：店家招牌出品之一，勁入味 雞肉嫩滑，尤其是雞皮非常香口，雞有雞味，的確係招牌貨，冇講錯 ~煎炆釀豆腐：手工菜，又要煎又要蚊，"看似" 簡簡單單的釀豆腐，都可以煮得龍飛鳳舞咁好味，味道清而不寡，廚師的廚藝，實在叫人佩服 ~梅菜扣肉：扣肉炆得軟綿腍滑，吃入口中肥肉立即溶化，豐腴甘香之餘，梅菜也絕非坐冷板凳的小子，梅菜因吸收了豬肉和汁的油香，勁揪美味，現在想起都垂涎三尺 ~客家四喜大拼盤：四喜就是炸魷魚、咕嚕肉、炸大腸、生炒骨，看起上嚟紅噹噹， 當中最美味的是炸魷魚及炸大腸，一吃好難停口 ~客家腐卷：又是一懷舊手工菜，腐卷相當香口酥脆，吃起上來口感絕佳，在坊間的一般餐廳都頗難吃得到 ~五柳大鯇魚：好大條魚，即叫即宰，魚夠厚肉又鮮嫩，配上味道甜甜酸酸的五柳汁，不喜歡吃魚的我，都大激讚 ~客家家鄉小炒：立立雜雜的炒埋一碟，因為廚師炒功了得，成個餸菜都炒得很好吃，好夠鑊氣，蝦肉都非常彈牙，撈飯吃是一流 ~本篇完 ~

年幼時家住葵芳，想當年葵芳有兩大酒樓，一間叫"好爵"，另一間就係"醉瓊樓"! 好爵雖然係中式酒樓但好奇怪地下有個西餐外賣部，我超級懷念佢地嘅漢堡包同營光汁吉烈豬扒飯，宇宙最強!醉瓊樓亦經常幫襯，因為外公係嚇瓜人，入嚟探孫仔時就帶我地一家人上醉瓊樓食客家菜.依家? 葵芳嘅好爵同醉瓊樓老早已經失去蹤影，但一直想去其他地區嘅醉瓊樓幫襯.今次因為幫客人睇風水+占卜問事去咗佐敦，完成後就過嚟醉瓊樓開餐!未推門入內，先欣賞吓書法字体嘅招牌店名，醉瓊樓三隻字，回憶萬千!一推入門，環境充滿老香港味! 樓下座位唔多，但原來樓上有大把位，係另一個世界!打開 Menu 心水多多但肚腩空間唔多，美女侍應劉小姐推介下點咗個套餐，有糊椒白果豬肚湯，紅燒釀豆腐同清炒時菜，最大期望係梅菜扣肉同金牌鹽焗雞.劉小姐係醉瓊樓工作多年，為人風趣又熱情，要出文讚吓先!飲豬肚湯總係要加糊椒粉，更加惹味.同街邊果D撻小小魚肉就叫釀豆腐嘅劣質貨相比，枱上哩碟釀豆腐嘅魚肉足料得多，而且豆腐軟滑，只係魚肉上無加上鹹魚，外公教我地整釀豆腐，魚肉豬肉要加入鹹魚先正宗!當然要用靚鹹魚啦!鹽焗雞過火咗少少，有少少柴口.梅菜入味送飯一流，扣肉入口

在香港可超過五，六十年食店巳買少見少，醉瓊樓可算是奇葩，這食店不是懷舊，是舊，是舊得全無改變，只是人面全非，小時到此店的記憶，全因這食店全無改變而腦裡現。小時候覺得好吃的現在也變得普通，食物不精緻，可是吃到卻是小時候的味道，也就是回憶。尤其白果胡椒豬肚湯，奶白色厚濃湯水，白果甘香豬肚軟，讓我回味無窮，小時愛吃的炸大腸則覺欠了些味兒，也有些炸得過火，盬焗雞夠香可惜肉質較老，乾炸讓荳腐對我這些愛吃香口食物的人绝對是滿分。梅菜扣肉仍是這店最好味的，梅菜和汁讓不吃飯的我也吃了碗飯。雖各類菜色味道只可說中規中舉，店舖也舊，雖則如此我仍會再來幫襯，因這還吃到回憶。

🕰️Dining Hour: 19:30-21:15 👥Pax: 3Old-fashioned 3-storey Chinese restaurant since 1961. Peanuts as appetiser (very crispy!) and had sau-mei (壽眉), a white tea. Ordered a set of $468 - for 3-4 pax.- Salt-baked Chicken (half)𝘝𝘦𝘳𝘺 𝘧𝘳𝘦𝘴𝘩 𝘤𝘩𝘪𝘤𝘬𝘦𝘯, 𝘱𝘢𝘳𝘵𝘪𝘤𝘶𝘭𝘢𝘳𝘭𝘺 𝘵𝘢𝘴𝘵𝘺 𝘸𝘩𝘦𝘯 𝘱𝘢𝘪𝘳𝘪𝘯𝘨 𝘸𝘪𝘵𝘩 𝘴𝘢𝘯𝘥 𝘨𝘪𝘯𝘨𝘦𝘳- Braised Tofu with Minced Pork𝘉𝘦𝘥𝘥𝘦𝘥 𝘸𝘪𝘵𝘩 𝘱𝘢𝘬 𝘤𝘩𝘰𝘪- Braised Pork with Preserved (sweet & salty) Vegetables𝘕𝘰𝘵 𝘢 𝘱𝘦𝘳𝘧𝘦𝘤𝘵 𝘥𝘪𝘴𝘩 𝘧𝘰𝘳 𝘩𝘦𝘢𝘭𝘵𝘩𝘺 𝘱𝘦𝘰𝘱𝘭𝘦 𝘴𝘪𝘯𝘤𝘦 𝘪𝘵’𝘴 𝘳𝘪𝘤𝘩 𝘰𝘧 𝘧𝘢𝘵𝘴, 𝘣𝘶𝘵 𝘩𝘢𝘷𝘪𝘯𝘨 𝘪𝘵 (𝘢𝘵 𝘭𝘦𝘢𝘴𝘵 try 𝘰𝘯𝘦 𝘱𝘪𝘦𝘤𝘦!) 𝘸

懷舊客家菜 - 醉瓊樓飯店 (佐敦) 這點已屹立在佐敦西貢街已不知多少年。我只記得由小時開始已不時去光顧，而每一次都會吃梅菜扣肉。 疫情爆發後只去過一次。餓了那麼久，現在可8人一枱便快快訂位，嘗嘗邪惡的梅菜扣肉 😈 我們今晚是吃套餐的 - 叫套餐很方便，因他已包括最熱門的餸菜。頭炮是胡椒白果豬肚湯 - 胡椒味很重，很醒胃。再來一個很大的拼盤 - 我掛著吃鮮艷和炸得很脆的炸大腸，忘了吃其他，只記得好像還有咕嚕肉 ... 下一味是必吃的鹽焗雞 - 他的肉很滑，也很咸香。之後就是主打的梅菜扣肉，入口即溶。很邪惡，但你一定要和肥肉一起吃，最好送白飯。減肥？ 明天才減。其他菜式有美果鮮蝦仁、客家炆豆腐、草菇扒西蘭花 & 鴨掌扒生菜 (開始有點像去飲宴)  最後一道菜是油浸筍殼魚 - 魚很新鮮，炸到脆卜卜，感覺生猛。 到這些老店最開心的地方是那種無拘無束的感覺。每味菜鑊氣夠，以實力取勝，我們也吃得很盡興!!順帶一提， 套餐還包括飯和炆伊麵、兩瓶啤酒、汽水， 還有很夠火喉的綠豆沙，真的是超值。如有多人聚會，可以考慮到這店，坐他們的閣樓，自成一角，怎樣吵都沒問題!支持本地老店!

呢度裝修同員工制服都好懷舊，但係我食咗呢度既鹽焗雞就唔再食其他雞。雖然海南雞都好滑，但呢度啲雞因為鹽焗已經有鹹味，再加上沙薑汁，真係好喜歡！另外一味梅菜扣肉也是水準之上，d肥肉入口即溶。老派既口味先會明！疫情期間搵多咗不同本地小店/老店幫襯，亦多左自取回家！打電話去落單取食物也快，希望老店長做長有，唔好冇下冇下又一間，真係唔想食連鎖集團，支持本地小店！支持本地老店！支持有心食肆！支持有心食材！寫200字好難🤯

實在太想念廿多年前西貢醉瓊楼個碟炆豆腐肉片炒河，4月29日專誠同靚媽到此店尋回老味，都預咗冇呢款炒河供應，諗住叫一碟肉片炒河再加一煲客家炆豆腐，一於來過自製炆豆腐肉片河來一解思念此美食之苦，可是天從人願當我向侍應叔叔落柯打點肉片炒河時，該位叔叔話今日冇河粉供應，一盆冷水照頭淋肥華，衹好退而求其次轉叫此店另一名物梅菜扣肉飯，及一煲客家炆豆腐作為今日午膳，老實講個梅菜扣肉飯真係堅得，飯煲得軟硬恰好，主角扣肉肥而不腻，入口即溶，加上好味嘅梅菜呢碟飯有A十十評分，反而個客家炆豆腐煲就衹有B十水評，兩樣食品都係保持到老味道，此店食品顧然能保持老店水準係一喜事，但此店在未開齊空調時，店内充滿一朕曱甴及老鼠屎味，一入店内真係難頂，所以肥華應承靚媽唔會再光顧到此店

醉瓊樓是客家老店，今晚專程過來佐敦試下餐廳的鹽焗雞。因為是尊程為鹽焗雞而來，所以坐下不用考慮，就點了半隻鹽焗雞及要了個蒜蓉炒菜心。金牌鹽焗雞半隻$160，看落不會很肥，顏色顯得帶金金黃黃，都很吸引，食落口感比較腍，不覺得是新鮮雞般的口感，但價錢應該是新鮮雞的價錢，食落帶少少咸香，專程過來食，鹽焗味就感覺有點失望。