Video
Read full review
2019-12-09
467 views
星期六，晨早流流，約咗個朋友一齊去行山，行山之前就梗係要食飽啲嘅，所以就嚟咗端記茶樓食飽先至出發！已經係第二次嚟啦，人大咗就愈係鍾意體驗呢啲原始風味，始終平時喺城市居住得耐呢啲傳統野真係買少見少。入返正題先，其實交通好方便，一啲都唔難嚟到，喺荃灣市區坐80號小巴去到總站行多兩步就到啦。呢度係自助式茶餐，拎碗筷、茶水、點心呢啲全部都係自助，只有埋單呢個動作要職員幫手。其實自助都幾好吖，睇啱咩嘢想食就拎嚟食，啲姐姐仲會嗌咪介紹有咩係新鮮出爐嘅嘢食，啱食嘅就出去拎，咁樣真係好有特色嘅。唔好以為咁早無咩人呀，其實我地9點左右到都已經人頭湧湧嫁啦，再遲少少嘅話真係搵個位都難！聽講西洋菜係現摘現煮，好似好新鮮咁！我之前最多都係飲過西洋菜魚湯同西洋菜蜜，從來都未食過真正咁樣煮嘅西洋菜，所以無理由唔試吓啦。一碟西洋菜都幾大碟！另外我地仲拎咗鹹魚飯、叉燒包、豆腐花等等兩個人飲茶，食到咁多款點心都算係咁啦！睇其他人啲comment話覺得啲職員態度好差、嘢食又垃圾、環境又污糟等等，但係我就完全唔係咁諗，職員好有人情味，話就話自助式，但係其實有咩問佢地，或者有咩要佢地幫手都會幫。至於嘢食方面，其實我覺得呢啲點
已經係第二次嚟啦，人大咗就愈係鍾意體驗呢啲原始風味，始終平時喺城市居住得耐呢啲傳統野真係買少見少。
入返正題先，其實交通好方便，一啲都唔難嚟到，喺荃灣市區坐80號小巴去到總站行多兩步就到啦。
呢度係自助式茶餐，拎碗筷、茶水、點心呢啲全部都係自助，只有埋單呢個動作要職員幫手。其實自助都幾好吖，睇啱咩嘢想食就拎嚟食，啲姐姐仲會嗌咪介紹有咩係新鮮出爐嘅嘢食，啱食嘅就出去拎，咁樣真係好有特色嘅。唔好以為咁早無咩人呀，其實我地9點左右到都已經人頭湧湧嫁啦，再遲少少嘅話真係搵個位都難！
聽講西洋菜係現摘現煮，好似好新鮮咁！我之前最多都係飲過西洋菜魚湯同西洋菜蜜，從來都未食過真正咁樣煮嘅西洋菜，所以無理由唔試吓啦。
西洋菜
26 views
0 likes
0 comments
一碟西洋菜都幾大碟！
另外我地仲拎咗鹹魚飯、叉燒包、豆腐花等等
西洋菜、鹹魚飯、叉燒包
12 views
0 likes
0 comments
兩個人飲茶，食到咁多款點心都算係咁啦！睇其他人啲comment話覺得啲職員態度好差、嘢食又垃圾、環境又污糟等等，但係我就完全唔係咁諗，職員好有人情味，話就話自助式，但係其實有咩問佢地，或者有咩要佢地幫手都會幫。至於嘢食方面，其實我覺得呢啲點心仲好食過出面酒樓嗰啲，如果係要將端記茶樓同鼎泰豐呢啲等級比嘅話，咁就實係會比下去嘅。環境方面，唔會話超級十分乾淨，但都未至於污糟喎，大致衛生，唔會有太多蚊蟲，塵又唔多咁，反而空氣清新，遠離塵囂咁囉。唯一諗到嘅缺點就係價錢少貴，但都係可接受範圍。
如果你自問係想回歸簡樸，想感受原始風味同人情味嘅話，不妨嚟呢度一試啦！
Post
