新斗記 (Closed)

今個月係爸媽結婚三十週年紀念，所以一於去慶祝一下！先來一個招牌即燒乳豬，乳豬皮非常鬆化，外脆內軟，我未食過咁好食嘅燒乳豬！之後再來一個小食，椒鹽豆腐粒，豆腐細細粒，炸到脆卜卜，椒鹽又惹味，唔錯。太耐冇食牛仔骨，一於叫番個，黑椒牛仔骨煲，牛仔骨原煲上，好夠鑊氣，仲「沙沙聲」，好重牛肉味！除咗肉，仲有叫海鮮，就是係香煎鮮蝦餅，蝦餅好彈牙，仲煎到金黃色，恰到好處。呢度有我想食好耐嘅傳統手工菜，碧綠蝦子柚皮。柚皮食落完全冇苦澀味，又冇渣，配埋鮑汁，口感好好。我呢個食肉獸，一定叫番個，生炒上肉排，即係生炒骨，肉質夠juicy，酸甜味好夠，有質素！呢間新斗記果然名不虛傳呀！