龍門海鮮酒家

Open Now

Now Closed

因為我安排咗今日同朋友喺鯉魚門三家村半日遊再去食海鮮直落，而作為一個香港人，今次係我第二次嚟到鯉魚門食海鮮，帶大家嚟到龍門海鮮酒家！預先喺隔離嘅一樂也海鮮檔揀海鮮，再入酒樓加工💕今日就試吓新鮮嘅賴尿蝦同元貝啦！大家可以選擇自己鍾意嘅煮法，即買即整好有新鮮感啊✨星期日嘅夜晚都幾爆場㗎！大家嚟之前記得先預約啊🤭⭐️椒鹽賴尿蝦有半隻手臂長的原隻時令新鮮賴尿蝦，分成四小件，以香炸乾蒜調味，外層揸中炸得話香脆，入口鮮甜嫩滑，惹味香口。⭐️蒜蓉炒絲蒸元貝一碟兩隻元貝，以香蒜油清蒸，配合粉絲味道清甜爽滑⭐️油焗奄仔蟹好大隻同埋流晒油，估唔到肉蟹都有蟹膏可以食到！見到周圍好多台都點咗， 應該係招牌菜！⭐️椒絲腐乳通菜新鮮嘅通菜真係會零舍爽口，食得出新老各半的通菜，令口感層次分明！腐乳味道香而清新，有別以往傳統嘅鹹味。⭐️甜酸醬咕嚕肉炸得外脆內軟，酒樓叫嘅咕嚕肉，真係特別滾熱辣！除咗唔會太多粉，咬落去嘅香脆，仲要係脂肪層夠爽脆，配合埋菠蘿甜椒同甜酸醬，真係特別開胃！