盛記粥麵

Open Now

Now Closed

盛記粥麵地址: 旺角花園街3-5號鴻威大廈地下11號舖今日同老公行街，見到盛記粥麵在旺角開了分店，之前在佐敦食過很滿意，於是決定再試下。❤️雲吞麵雲吞皮很薄，餡料飽滿，蝦肉爽口，肥廋肉比例恰好，有金魚散尾，麵質爽口彈牙，冇鹼水味，湯底用大地魚、蝦殼、豬骨、金華火腿、羅漢果淆製而成，所以十分鮮甜，果然名不虛傳，值得一試。 ❤️牛筋腩撈粗另一出色之作，牛筋腩炆至軟腍入味，牛味濃郁，牛筋Q彈，骨膠原質極度豐富，蘿蔔清甜無渣，老公大讚好食！叫主食就可以用優惠價追加小食同飲品，有我喜愛的炸雞翼併炸鯪魚球，雞翼好香，有蒜香南乳味，皮脆肉嫩，鯪魚球金黃飽滿，好彈牙，蘸上蜆蚧醬一起吃，滋味無窮。